https://arm.sputniknews.ru/20250818/aranc-gharabaghi-harcy-pakelu-khaghaghutjun-hnaravvor-che-pashinjan-92498418.html
Առանց Ղարաբաղի հարցը փակելու խաղաղություն հնարավոր չէ․ Փաշինյան
Առանց Ղարաբաղի հարցը փակելու խաղաղություն հնարավոր չէ․ Փաշինյան
Sputnik Արմենիա
ՀՀ վարչապետն արցախահայերի վերադարձն անիրատեսական է համարում, իսկ փախստականների վերադարձի մասին երկկողմանի զրույցները` վտանգավոր։ 18.08.2025, Sputnik Արմենիա
2025-08-18T19:01+0400
2025-08-18T19:01+0400
2025-08-18T19:06+0400
հայաստան
նիկոլ փաշինյան
արցախ
https://cdn.am.sputniknews.ru/img/07e9/08/09/92159009_0:0:1600:901_1920x0_80_0_0_dc9a6be329c0fd207f9e98f6df347993.jpg
ԵՐԵՎԱՆ, 18 օգոստոսի – Sputnik․ Առանց Ղարաբաղի հարցը փակելու խաղաղություն հնարավոր չէ։ Ուղիղ եթերում ժողովրդին հղած իր ուղերձում այս հայտարարությունն արեց ՀՀ վարչապետ Նիկոլ Փաշինյանը` անդրադառնալով հնչող քննադատություններին, թե Վաշինգտոնում համաձայնագրի նախաստորագրված տեքստով փակվում է Արցախի հարցը։Նրա խոսքով՝ Արցախի հարցը տարիներ շարունակ որոշ ուժեր պարզապես օգտագործել են որպես գործիք Հայաստանի անկախությունը, ինքնիշխանությունը, պետականության կայացումն ու զարգացումը թույլ չտալու համար։Ինչ վերաբերում է արցախահայերի վերադարձին, ՀՀ վարչապետը նշեց, որ դա իրատեսական չի համարում։«Ղարաբաղից տեղահանված մեր հայրենակիցների վերադարձի մասին պատկերացումներն իրատեսական չեմ համարում։ Հայաստանում և Ադրբեջանում հակամարտության մեկնարկից ի վեր փախստական դարձած անձանց վերադարձի թեմայի երկկողմ արծարծումը համարում եմ վտանգավոր, Հայաստանի և Ադրբեջանի միջև հաստատված խաղաղությանը վնասող գործիք»,- հայտարարեց Փաշինյանը։Ըստ նրա՝ այդ փորձերը փախստականներին ոչինչ չեն տալու, իսկ պետությունների միջև դառնալու են լարվածության մի նոր աղբյուր։ Նա նշեց, որ իր տեսակետը հայտնել է նաև պաշտոնական Բաքվին։Արցախից տեղահանված մեր հայրենակիցների ապագայի մասին Փաշինյանի պատկերացումն այն է, որ նրանք պետք է տնավորվեն Հայաստանի Հանրապետությունում, ապրեն, ստեղծագործեն որպես ՀՀ լիիրավ քաղաքացիներ։Հիշեցնենք` ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը օգոստոսի 8-ին Վաշինգտոնում ստորագրեցին 7 կետից բաղկացած համատեղ հռչակագիր, որով նախատեսվում է Հայաստանի հարավային հատվածով (Սյունիքի մարզ) ռազմավարական տարանցիկ ճանապարհ ստեղծել, որը կկոչվի «Թրամփի ուղի» (TRIPP) և Ադրբեջանին առևտրային հասանելիություն կապահովի դեպի Նախիջևան: ԱՄՆ–ն ճանապարհը վարձակալում է 99 տարով` ևս 99 տարով երկարաձգելու հնարավորությամբ։Հայաստանի և Ադրբեջանի արտգործնախարարներ Արարատ Միրզոյանն ու Ջեյհուն Բայրամովն էլ Հայաստանի, Ադրբեջանի և ԱՄՆ ղեկավարների ներկայությամբ նախաստորագրեցին «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին» համաձայնագիրը։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, նիկոլ փաշինյան, արցախ
հայաստան, նիկոլ փաշինյան, արցախ
Առանց Ղարաբաղի հարցը փակելու խաղաղություն հնարավոր չէ․ Փաշինյան
19:01 18.08.2025 (Թարմացված է: 19:06 18.08.2025) ՀՀ վարչապետն արցախահայերի վերադարձն անիրատեսական է համարում, իսկ փախստականների վերադարձի մասին երկկողմանի զրույցները` վտանգավոր։
ԵՐԵՎԱՆ, 18 օգոստոսի – Sputnik․ Առանց Ղարաբաղի հարցը փակելու խաղաղություն հնարավոր չէ։ Ուղիղ եթերում ժողովրդին հղած իր ուղերձում այս հայտարարությունն արեց ՀՀ վարչապետ Նիկոլ Փաշինյանը` անդրադառնալով հնչող քննադատություններին, թե Վաշինգտոնում համաձայնագրի նախաստորագրված տեքստով փակվում է Արցախի հարցը։
«Պիտի հիշեցնեմ, որ դեռևս 2025թ․ մարտին այդ առիթով հայտարարություն եմ արել ԱԺ բարձր ամբիոնից, իսկ ավելի ուշ վարչապետի համար տարօրինակ կոչով դիմել եմ ժողովրդին։ Ասել եմ, որ մենք չպետք է շարունակենք Ղարաբաղյան շարժումը, ասել եմ, որ ես Հայաստանն առաջնորդելու եմ այս՝ Ղարաբաղյան շարժումը չշարունակելու տրամաբանությամբ, և եթե ժողովուրդը համաձայն չէ այդ տրամաբանությանը, կոչ եմ արել հեղափոխություն անել։ Ժողովուրդը, այսինքն` դուք` սիրելի քաղաքացիներ, հեղափոխություն չարեցիք, որովհետև ինձ նման հասկացաք, որ առանց Ղարաբաղյան հարցը փակելու խաղաղություն հնարավոր չէ»,- ասաց Փաշինյանը։
Նրա խոսքով՝ Արցախի հարցը տարիներ շարունակ որոշ ուժեր պարզապես օգտագործել են որպես գործիք Հայաստանի անկախությունը, ինքնիշխանությունը, պետականության կայացումն ու զարգացումը թույլ չտալու համար։
Ինչ վերաբերում է արցախահայերի վերադարձին, ՀՀ վարչապետը նշեց, որ դա իրատեսական չի համարում։
«Ղարաբաղից տեղահանված մեր հայրենակիցների վերադարձի մասին պատկերացումներն իրատեսական չեմ համարում։ Հայաստանում և Ադրբեջանում հակամարտության մեկնարկից ի վեր փախստական դարձած անձանց վերադարձի թեմայի երկկողմ արծարծումը համարում եմ վտանգավոր, Հայաստանի և Ադրբեջանի միջև հաստատված խաղաղությանը վնասող գործիք»,- հայտարարեց Փաշինյանը։
Ըստ նրա՝ այդ փորձերը փախստականներին ոչինչ չեն տալու, իսկ պետությունների միջև դառնալու են լարվածության մի նոր աղբյուր։ Նա նշեց, որ իր տեսակետը հայտնել է նաև պաշտոնական Բաքվին։
Արցախից տեղահանված մեր հայրենակիցների ապագայի մասին Փաշինյանի պատկերացումն այն է, որ նրանք պետք է տնավորվեն Հայաստանի Հանրապետությունում, ապրեն, ստեղծագործեն որպես ՀՀ լիիրավ քաղաքացիներ։
Հիշեցնենք` ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը օգոստոսի 8-ին Վաշինգտոնում ստորագրեցին 7 կետից բաղկացած
համատեղ հռչակագիր, որով նախատեսվում է Հայաստանի հարավային հատվածով (Սյունիքի մարզ) ռազմավարական տարանցիկ
ճանապարհ ստեղծել, որը կկոչվի «Թրամփի ուղի» (TRIPP) և Ադրբեջանին առևտրային հասանելիություն կապահովի դեպի Նախիջևան: ԱՄՆ–ն ճանապարհը վարձակալում է 99 տարով` ևս 99 տարով երկարաձգելու հնարավորությամբ։
Հայաստանի և Ադրբեջանի արտգործնախարարներ Արարատ Միրզոյանն ու Ջեյհուն Բայրամովն էլ Հայաստանի, Ադրբեջանի և ԱՄՆ ղեկավարների ներկայությամբ նախաստորագրեցին «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին»
համաձայնագիրը։
