https://arm.sputniknews.ru/20250528/rd-i-ev-irani-hamagvortsakcutjunn-aktiv-zarganum-e-bvolvor-ughghutjunnervov-shvojgu-89475274.html
Ռուսաստանի և Իրանի համագործակցությունն ակտիվ զարգանում է բոլոր ուղղություններով. Շոյգու
Ռուսաստանի և Իրանի համագործակցությունն ակտիվ զարգանում է բոլոր ուղղություններով. Շոյգու
Sputnik Արմենիա
ՌԴ անվտանգության խորհրդի քարտուղարը հատուկ ուշադրություն է դարձրել ռազմավարական գործընկերության թեմային։ 28.05.2025, Sputnik Արմենիա
2025-05-28T18:24+0400
2025-05-28T18:24+0400
2025-05-28T18:26+0400
ռուսաստան
իրանի իսլամական հանրապետություն
սերգեյ շոյգու
ալի աքբար ահմադիան
https://cdn.am.sputniknews.ru/img/07e9/05/1c/89473807_0:0:3026:1702_1920x0_80_0_0_3cc2267895da14b3a9e568f5b8d18f30.jpg
ԵՐԵՎԱՆ, 28 մայիսի – Sputnik. ՌԴ անվտանգության խորհրդի քարտուղար Սերգեյ Շոյգուն հայտարարել է ռուս-իրանական գործընկերության համակողմանի զարգացման մասին: Նրա հայտարարությունը հնչել է Մոսկվայում Իրանի ազգային անվտանգության բարձրագույն խորհրդի քարտուղար Ալի Աքբար Ահմադիանի հետ հանդիպման ժամանակ՝ անվտանգության հարցերը համակարգող բարձրաստիճան ներկայացուցիչների 13-րդ հանդիպման շրջանակում։ Տեղեկությունը հայտնում է ՌԻԱ Նովոստին։Շոյգուն ասել է, որ երկու երկրների միջև հարաբերությունները զարգանում են բոլոր ուղղություններով՝ Ռուսաստանի և Իրանի ղեկավարության կողմից տրված ուղենիշներին համապատասխան:Նա նշել է, որ նախագահները պարբերաբար կապի մեջ են` Վլադիմիր Պուտինի և Էբրահիմ Ռայիսիի վերջին հեռախոսազրույցը տեղի է ունեցել մայիսի 6–ին, զրույցը բովանդակալից է եղել։Ըստ Շոյգուի` դա վկայում է երկու երկրների միջև քաղաքական երկխոսության բարձր մակարդակի մասին։Նա հատուկ ուշադրություն է դարձրել ռազմավարական գործընկերության թեմային և հույս է հայտնել, որ Իրանը շուտափույթ կվավերացնի համապատասխան պայմանագիրը։Նշենք, որ փաստաթուղթը ստորագրվել է հունվարի 17-ին Մոսկվայում, իսկ ապրիլի 21-ին Ռուսաստանի նախագահ Վլադիմիր Պուտինը ստորագրել է դրա վավերացման մասին օրենքը:ՌԴ–Իրան պայմանագիրը կազդի տարածաշրջանի անվտանգության ոլորտի համագործակցության վրա. դեսպան
իրանի իսլամական հանրապետություն
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ռուսաստան, իրանի իսլամական հանրապետություն, սերգեյ շոյգու, ալի աքբար ահմադիան
ռուսաստան, իրանի իսլամական հանրապետություն, սերգեյ շոյգու, ալի աքբար ահմադիան
Ռուսաստանի և Իրանի համագործակցությունն ակտիվ զարգանում է բոլոր ուղղություններով. Շոյգու
18:24 28.05.2025 (Թարմացված է: 18:26 28.05.2025) ՌԴ անվտանգության խորհրդի քարտուղարը հատուկ ուշադրություն է դարձրել ռազմավարական գործընկերության թեմային։
ԵՐԵՎԱՆ, 28 մայիսի – Sputnik. ՌԴ անվտանգության խորհրդի քարտուղար Սերգեյ Շոյգուն հայտարարել է ռուս-իրանական գործընկերության համակողմանի զարգացման մասին: Նրա հայտարարությունը հնչել է Մոսկվայում Իրանի ազգային անվտանգության բարձրագույն խորհրդի քարտուղար Ալի Աքբար Ահմադիանի հետ հանդիպման ժամանակ՝ անվտանգության հարցերը համակարգող բարձրաստիճան ներկայացուցիչների 13-րդ հանդիպման շրջանակում։ Տեղեկությունը հայտնում է
ՌԻԱ Նովոստին։
Շոյգուն ասել է, որ երկու երկրների միջև հարաբերությունները զարգանում են բոլոր ուղղություններով՝ Ռուսաստանի և Իրանի ղեկավարության կողմից տրված ուղենիշներին համապատասխան:
Նա նշել է, որ նախագահները պարբերաբար կապի մեջ են` Վլադիմիր Պուտինի և Էբրահիմ Ռայիսիի վերջին հեռախոսազրույցը տեղի է ունեցել մայիսի 6–ին, զրույցը բովանդակալից է եղել։
Ըստ Շոյգուի` դա վկայում է երկու երկրների միջև քաղաքական երկխոսության բարձր մակարդակի մասին։
Նա հատուկ ուշադրություն է դարձրել ռազմավարական գործընկերության թեմային և հույս է հայտնել, որ Իրանը շուտափույթ կվավերացնի համապատասխան պայմանագիրը։
«Այդ պայմանագիրն ամուր հիմք է դնում մեր փոխգործակցության հետագա որակական աճի համար, այդ թվում՝ ռազմատեխնիկական ոլորտում»,- ասել է Շոյգուն:
Նշենք, որ փաստաթուղթը ստորագրվել է հունվարի 17-ին Մոսկվայում, իսկ ապրիլի 21-ին Ռուսաստանի նախագահ Վլադիմիր Պուտինը ստորագրել է դրա վավերացման մասին օրենքը:
