Պուտինը շնորհավորական ուղերձ է հղել ԽՍՀՄ նախկին հանրապետությունների ներկայիս ղեկավարներին
14:07 08.05.2025 (Թարմացված է: 14:30 08.05.2025)
© Sputnik / Кристина Кормилицына
/ Բաժանորդագրվել
Ուղերձում ընդգծվում է ընդհանուր պատմությունը խեղաթյուրելու ցանկացած փորձի կանխման կարևորությունը։
ԵՐԵՎԱՆ, 8 մայիսի – Sputnik. Հաղթանակի տարեդարձի կապակցությամբ ՌԴ նախագահ Վլադիմիր Պուտինը շնորհավորանքներ է հղել ԽՍՀՄ նախկին հանրապետությունների, Իսրայելի ղեկավարներին, ինչպես նաև Վրաստանի և Մոլդովայի ժողովուրդներին, հաղորդում է Կրեմլի մամուլի ծառայությունը։
«Հայրենական մեծ պատերազմում տարած հաղթանակի 80-ամյակի կապակցությամբ Ռուսաստանի նախագահ Վ.Վ. Պուտինը շնորհավորական ուղերձներ է հղել Ադրբեջանի, Հայաստանի, Բելառուսի, Ղազախստանի, Ղրղզստանի, Տաջիկստանի, Թուրքմենստանի, Ուզբեկստանի, Աբխազիայի, Հարավային Օսեթիայի, Իսրայելի ղեկավարներին, ինչպես նաև Վրաստանի և Մոլդովայի ժողովուրդներին», – ասվում է հաղորդագրության մեջ։
Նախագահն ընդգծել է, որ երկրները սրբորեն պահպանում են այն հայրերի և պապերի փառահեղ սխրանքների և մեծ զոհողությունների հիշատակը, որոնք ուս ուսի քաջաբար պայքարել են նացիստական զավթիչների դեմ և անձնուրաց աշխատել թիկունքում։
Պուտինը ջերմ շնորհավորանքներ և անկեղծ երախտագիտության խոսքեր է հղել Հայրենական մեծ պատերազմի վետերաններին և ռազմաճակատի աշխատավորներին՝ նշելով ընդհանուր պատմությունը խեղաթյուրելու, նացիստների և նրանց հանցակիցների կողմից կատարված չարագործություններն արդարացնելու կամ մոռացության մատնելու ցանկացած փորձ կանխելու կարևորությունը։
