https://arm.sputniknews.ru/20250210/tehranum-amn-i-het-mijukajin-gvortsarqi-chen-gna-ev-patrast-en-ardzaganqel-sparnaliqnerin-85640707.html
Թեհրանում ԱՄՆ-ի հետ միջուկային գործարքի չեն գնա և պատրաստ են արձագանքել սպառնալիքներին
Թեհրանում ԱՄՆ-ի հետ միջուկային գործարքի չեն գնա և պատրաստ են արձագանքել սպառնալիքներին
Sputnik Արմենիա
Իրանական կողմն ամերիկացիներին մեղադրում է Գործողությունների համատեղ համապարփակ ծրագրի (ԳՀՀԾ) վերաբերյալ խոստումները խախտելու մեջ, և երկրորդ անգամ չի գնա... 10.02.2025, Sputnik Արմենիա
2025-02-10T18:03+0400
2025-02-10T18:03+0400
2025-02-10T19:29+0400
իրանի իսլամական հանրապետություն
ամն
աբբաս արաղչի
դոնալդ թրամփ
միջուկային պայմանագիր
միջուկային ծրագիր
https://cdn.am.sputniknews.ru/img/07e8/0b/0a/82879208_0:0:1280:721_1920x0_80_0_0_f55d0e12231a837ab77ed6009d8f470b.jpg.webp
ԵՐԵՎԱՆ, 10 փետրվարի - Sputnik. Իրանի իշխանությունները հայտարարել են, որ ԱՄՆ-ի հետ նոր միջուկային գործարքի չեն գնա: Այդ մասին, մասնավորապես, ասել է երկրի ԱԳ նախարար Աբբաս Արաղչին՝ այդպես արձագանքելով Թրամփի վերջին հայտարարություններին։Վերջինս փետրվարի 5-ին հայտարարել էր, որ կցանկանար Իրանի հետ կնքել «վերիֆիկացված» միջուկային խաղաղության համաձայնագիր, որը Թեհրանին թույլ կտա խաղաղ զարգանալ և բարգավաճել։ Փետրվարի 9-ին Թրամփն Իրանին կոչ էր արել անհապաղ սկսել դրա ուղղությամբ աշխատանքը՝ հայտարարելով, որ Իրանի դեմ ռազմական գործողություններ վարելու փոխարեն պատրաստ է գործարք կնքել այդ երկրի հետ:Արաղչիի հայտարարությունը զարգացրել է Իսլամական հեղափոխության պահապանների կորպուսի հրամանատարի տեղակալ Մոհամմադ Ռեզա Նակդին՝ ասելով, որ իրանական կողմը կրկին չի մտնի բանակցություններ արևմտյան երկրների հետ՝ Իրանն ավելի խելացի է։Իսկ Իրանի գլխավոր շտաբի պետ Մոհամմադ Բաղերին կարծում է, որ երկրի զինված ուժերն ավելի լավ վիճակում են, քան երբևէ և պատրաստ են արձագանքել ցանկացած սպառնալիքի: Այսպես է նա պատասխանել Իրանի տարածքին ԱՄՆ-ի և Իսրայելի հնարավոր հարվածի վերաբերյալ Թեհրանի արձագանքի մասին հարցին: ՀՀ դեսպան ու Իրանի ԳՇ պետի տեղակալը քննարկել են տարածաշրջանում տիրող իրավիճակը2015-ին Մեծ Բրիտանիան, Գերմանիան, Չինաստանը, Ռուսաստանը, ԱՄՆ-ը, Ֆրանսիան և Իրանը կնքեցին միջուկային գործարք (Իրանի միջուկային ծրագրի վերաբերյալ Գործողությունների համատեղ համապարփակ ծրագիր), որը ենթադրում էր պատժամիջոցների վերացում՝ Իրանի միջուկային ծրագիրը սահմանափակելու դիմաց: Դոնալդ Թրամփի նախորդ նախագահության օրոք՝ 2018 թվականի մայիսին, ԱՄՆ-ը դուրս եկավ ծրագրից և վերականգնեց Թեհրանի դեմ պատժամիջոցները: Ի պատասխան՝ Իրանը հայտարարեց համաձայնագրի շրջանակներում իր պարտավորությունների փուլային կրճատման մասին՝ հրաժարվելով, մասնավորապես, միջուկային հետազոտությունների և ուրանի հարստացման մակարդակի սահմանափակումներից:
իրանի իսլամական հանրապետություն
ամն
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
իրանի իսլամական հանրապետություն, ամն, աբբաս արաղչի, դոնալդ թրամփ, միջուկային պայմանագիր, միջուկային ծրագիր
իրանի իսլամական հանրապետություն, ամն, աբբաս արաղչի, դոնալդ թրամփ, միջուկային պայմանագիր, միջուկային ծրագիր
Թեհրանում ԱՄՆ-ի հետ միջուկային գործարքի չեն գնա և պատրաստ են արձագանքել սպառնալիքներին
18:03 10.02.2025 (Թարմացված է: 19:29 10.02.2025) Իրանական կողմն ամերիկացիներին մեղադրում է Գործողությունների համատեղ համապարփակ ծրագրի (ԳՀՀԾ) վերաբերյալ խոստումները խախտելու մեջ, և երկրորդ անգամ չի գնա գործարքի։
ԵՐԵՎԱՆ, 10 փետրվարի - Sputnik. Իրանի իշխանությունները հայտարարել են, որ ԱՄՆ-ի հետ նոր միջուկային գործարքի չեն գնա: Այդ մասին, մասնավորապես, ասել է երկրի ԱԳ նախարար Աբբաս Արաղչին՝ այդպես արձագանքելով Թրամփի վերջին հայտարարություններին։
Վերջինս փետրվարի 5-ին հայտարարել էր, որ կցանկանար Իրանի հետ կնքել «վերիֆիկացված» միջուկային խաղաղության համաձայնագիր, որը Թեհրանին թույլ կտա խաղաղ զարգանալ և բարգավաճել։ Փետրվարի 9-ին Թրամփն Իրանին կոչ էր արել անհապաղ սկսել դրա ուղղությամբ աշխատանքը՝ հայտարարելով, որ Իրանի դեմ ռազմական գործողություններ վարելու փոխարեն պատրաստ է գործարք կնքել այդ երկրի հետ:
Արաղչին մինչդեռ նշել է, որ Իրանն այլևս չի վստահում միջուկային ծրագրի շուրջ բանակցություններ վարելու ԱՄՆ առաջարկներին. Թեհրանում իշխանությունները երկխոսության չեն գնա նույնիսկ ամերիկյան նոր վարչակազմի ճնշման ներքո: Նրա խոսքով՝ ԱՄՆ-ն խախտել է ԳՀՀԾ մասով իր խոստումը, ըստ այդմ՝ Թեհրանը չի վստահում ԱՄՆ-ի կողմից բանակցությունների առաջարկներին և չի վարի դրանք նույնիսկ ճնշման, ուժի կամ որևէ այլ պատրվակի ներքո:
Արաղչիի հայտարարությունը զարգացրել է Իսլամական հեղափոխության պահապանների կորպուսի հրամանատարի տեղակալ Մոհամմադ Ռեզա Նակդին՝ ասելով, որ իրանական կողմը կրկին չի մտնի բանակցություններ արևմտյան երկրների հետ՝ Իրանն ավելի խելացի է։
Իսկ Իրանի գլխավոր շտաբի պետ Մոհամմադ Բաղերին կարծում է, որ երկրի զինված ուժերն ավելի լավ վիճակում են, քան երբևէ և պատրաստ են արձագանքել ցանկացած սպառնալիքի: Այսպես է նա պատասխանել Իրանի տարածքին ԱՄՆ-ի և Իսրայելի հնարավոր հարվածի վերաբերյալ Թեհրանի արձագանքի մասին հարցին:
2015-ին Մեծ Բրիտանիան, Գերմանիան, Չինաստանը, Ռուսաստանը, ԱՄՆ-ը, Ֆրանսիան և Իրանը կնքեցին միջուկային գործարք (Իրանի միջուկային ծրագրի վերաբերյալ Գործողությունների համատեղ համապարփակ ծրագիր), որը ենթադրում էր պատժամիջոցների վերացում՝ Իրանի միջուկային ծրագիրը սահմանափակելու դիմաց: Դոնալդ Թրամփի նախորդ նախագահության օրոք՝ 2018 թվականի մայիսին, ԱՄՆ-ը դուրս եկավ ծրագրից և վերականգնեց Թեհրանի դեմ պատժամիջոցները: Ի պատասխան՝ Իրանը հայտարարեց համաձայնագրի շրջանակներում իր պարտավորությունների փուլային կրճատման մասին՝ հրաժարվելով, մասնավորապես, միջուկային հետազոտությունների և ուրանի հարստացման մակարդակի սահմանափակումներից:
