https://arm.sputniknews.ru/20250109/eatm-n-ev-em-n-anhamategheli-en-hh-nakhagitsy-erkrin-yntrutjan-araj-e-kangnecnumoverchuk-84653276.html
ԵԱՏՄ-ն և ԵՄ-ն անհամատեղելի են, ՀՀ նախագիծը երկրին ընտրության առաջ է կանգնեցնում. Օվերչուկ
ԵԱՏՄ-ն և ԵՄ-ն անհամատեղելի են, ՀՀ նախագիծը երկրին ընտրության առաջ է կանգնեցնում. Օվերչուկ
Sputnik Արմենիա
ՌԴ փոխվարչապետը նշել է, որ ԵՄ-ին Հայաստանի անդամակցության մասին օրենսդրական նախաձեռնության հեղինակները կարող էին այն միանգամից լրացնել ԵԱՏՄ-ից դուրս գալու... 09.01.2025, Sputnik Արմենիա
2025-01-09T20:55+0400
2025-01-09T20:55+0400
2025-01-10T15:41+0400
ալեքսեյ օվերչուկ
հայաստան
եվրասիական տնտեսական միություն (եատմ)
հայաստան և եատմ
եվրամիություն
https://cdn.am.sputniknews.ru/img/07e7/0c/0f/70096290_0:69:1600:970_1920x0_80_0_0_985cb41391faa45f7b10849102b60b6e.jpg
ԵՐԵՎԱՆ, 9 հունվարի - Sputnik. Եվրամիությունը և Եվրասիական տնտեսական միությունը (ԵԱՏՄ) անհամատեղելի են։ ԵՄ-ին Հայաստանի անդամակցության նախագիծը երկրին կանգնեցնում է ընտրության առաջ։ Այս մասին լրագրողներին ասել է ՌԴ փոխվարչապետ Ալեքսեյ Օվերչուկը։Հայտնել էինք, որ հունվարի 9-ի նիստում ՀՀ կառավարությունը հավանություն է տվել «Եվրամիությանը Հայաստանի անդամակցության գործընթաց սկսելու մասին» օրինագծին և այն ուղարկել խորհրդարան:ՌԴ փոխվարչապետը նշել է, որ ԵԱՏՄ-ի հետ Երևանի հարաբերությունների խզման դեպքում Հայաստանում կբարձրանան էներգիայի և պարենի գները, իսկ հայկական ապրանքների արտահանումը կկրճատվի 80 %-ով:«Այսպիսով, սովորական մարդիկ կկորցնեն եկամուտները, աշխատանքը և կսկսեն թանկվճարել ամենաանհրաժեշտ բաների համար։ Փոխարենը նրանք, ամենայն հավանականությամբ, կստանան եվրոպական երկրների հետ առանց վիզայի ռեժիմ, իսկ բուն Հայաստանը՝ բնակչության թվաքանակի կրճատում։ Այժմ ավելի ու ավելի ակնհայտ է դառնում, որ ԵԱՏՄ-ին անդամակցելն արտոնություն է, իսկ հաշվի առնելով տնտեսական և սոցիալական խնդիրները, որոնց բախվում Է Եվրամիությունը, ԵՄ-ին անդամակցությունը կարելի է համեմատել «Տիտանիկի» տոմս գնելու հետ», - կարծում է Օվերչուկը։Նա հայտարարել է, որ Ռուսաստանը Հայաստանի Եվրամիությանն անդամակցության մասին օրինագծի քննարկումը դիտարկում է որպես ԵԱՏՄ-ից Երևանի դուրս գալու սկիզբ։«Ռուսաստանի Դաշնությունը Հայաստանի նկատմամբ իր տնտեսական քաղաքականությունը կկառուցի՝ հաշվի առնելով այդ հանգամանքը»,- ասել է Օվերչուկը։Հիշեցնենք, որ ՌԴ ԱԳՆ պաշտոնական ներկայացուցիչ Մարիա Զախարովան ավելի վաղ հայտարարել էր, որ Մոսկվան ԵՄ-ի՝ Հայաստանում ամրապնդվելու ձգտումը դիտարկում է որպես աշխարհաքաղաքական շահերի դրսևորում, որոնք հեռու են Անդրկովկասում հարաբերությունների իրական կարգավորումից: Նրա խոսքով՝ Եվրամիության նպատակն է Ռուսաստանին դուրս մղել տարածաշրջանից և թուլացնել անվտանգության գլխավոր երաշխավորի նրա պատմական դերը:Միևնույն ժամանակ Զախարովան նշել էր, որ ԵՄ-ի հետ վիզային ռեժիմի ազատականացման ուղղությամբ աշխատանքը Հայաստանի ինքնիշխան իրավունքն է: Նա հստակեցրել էր, որ տվյալ հարցը Մոսկվայի և Երևանի միջև երկկողմ մակարդակով չի քննարկվել, սակայն ընդգծել էր, որ այդ բանակցություններում վտանգ չի տեսնում Ռուսաստանի և Հայաստանի միջև առանց վիզայի ռեժիմի համար:
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ալեքսեյ օվերչուկ, հայաստան, եվրասիական տնտեսական միություն (եատմ), հայաստան և եատմ, եվրամիություն
ալեքսեյ օվերչուկ, հայաստան, եվրասիական տնտեսական միություն (եատմ), հայաստան և եատմ, եվրամիություն
ԵԱՏՄ-ն և ԵՄ-ն անհամատեղելի են, ՀՀ նախագիծը երկրին ընտրության առաջ է կանգնեցնում. Օվերչուկ
20:55 09.01.2025 (Թարմացված է: 15:41 10.01.2025) ՌԴ փոխվարչապետը նշել է, որ ԵՄ-ին Հայաստանի անդամակցության մասին օրենսդրական նախաձեռնության հեղինակները կարող էին այն միանգամից լրացնել ԵԱՏՄ-ից դուրս գալու մասին հոդվածով:
ԵՐԵՎԱՆ, 9 հունվարի - Sputnik. Եվրամիությունը և Եվրասիական տնտեսական միությունը (ԵԱՏՄ) անհամատեղելի են։ ԵՄ-ին Հայաստանի անդամակցության նախագիծը երկրին կանգնեցնում է ընտրության առաջ։ Այս մասին լրագրողներին ասել է ՌԴ փոխվարչապետ Ալեքսեյ Օվերչուկը։
Հայտնել էինք, որ հունվարի 9-ի նիստում ՀՀ կառավարությունը
հավանություն է տվել «Եվրամիությանը Հայաստանի անդամակցության գործընթաց սկսելու մասին» օրինագծին և այն ուղարկել խորհրդարան:
«ԵԱՏՄ-ն և ԵՄ-ն անհամատեղելի են։ Երկու ասոցիացիաներն էլ ենթադրում են մաքսային սահմանների բացակայություն և ապրանքների, ծառայությունների, կապիտալի և աշխատուժի տեղաշարժի ազատություն։ Պատկերացնել, որ այս երկու միություններն ինչ-որ պահի կհամախմբվեն՝ անհնար է։ Այդ պատճառով Հայաստանի Հանրապետությունում քննարկվող «Եվրամիությանն անդամակցության գործընթացի մեկնարկի մասին» օրինագիծն ՀՀ-ին ընտրության առաջ է կանգնեցնում», - պարզաբանել է Օվերչուկը։
ՌԴ փոխվարչապետը նշել է, որ ԵԱՏՄ-ի հետ Երևանի հարաբերությունների խզման դեպքում Հայաստանում կբարձրանան էներգիայի և պարենի գները, իսկ հայկական ապրանքների արտահանումը կկրճատվի 80 %-ով:
«Այսպիսով, սովորական մարդիկ կկորցնեն եկամուտները, աշխատանքը և կսկսեն թանկվճարել ամենաանհրաժեշտ բաների համար։ Փոխարենը նրանք, ամենայն հավանականությամբ, կստանան եվրոպական երկրների հետ առանց վիզայի ռեժիմ, իսկ բուն Հայաստանը՝ բնակչության թվաքանակի կրճատում։ Այժմ ավելի ու ավելի ակնհայտ է դառնում, որ ԵԱՏՄ-ին անդամակցելն արտոնություն է, իսկ հաշվի առնելով տնտեսական և սոցիալական խնդիրները, որոնց բախվում Է Եվրամիությունը, ԵՄ-ին անդամակցությունը կարելի է համեմատել «Տիտանիկի» տոմս գնելու հետ», - կարծում է Օվերչուկը։
ՌԴ փոխվարչապետի տեսանկյունից, եթե օրինագծի մշակողները ազնիվ լինեին ինչպես Հայաստանի ժողովրդի, այնպես էլ ԵԱՏՄ մյուս երկրների նկատմամբ, ապա կարող էին նախագիծը միանգամից լրացնել Միությունից Երևանի դուրս գալու մասին հոդվածով:
Նա հայտարարել է, որ Ռուսաստանը Հայաստանի Եվրամիությանն անդամակցության մասին օրինագծի քննարկումը դիտարկում է որպես ԵԱՏՄ-ից Երևանի դուրս գալու սկիզբ։
«Ռուսաստանի Դաշնությունը Հայաստանի նկատմամբ իր տնտեսական քաղաքականությունը կկառուցի՝ հաշվի առնելով այդ հանգամանքը»,- ասել է Օվերչուկը։
Հիշեցնենք, որ ՌԴ ԱԳՆ պաշտոնական ներկայացուցիչ Մարիա Զախարովան ավելի վաղ հայտարարել էր, որ Մոսկվան ԵՄ-ի՝ Հայաստանում ամրապնդվելու ձգտումը դիտարկում է որպես աշխարհաքաղաքական շահերի դրսևորում, որոնք հեռու են Անդրկովկասում հարաբերությունների իրական կարգավորումից: Նրա խոսքով՝ Եվրամիության նպատակն է Ռուսաստանին դուրս մղել տարածաշրջանից և թուլացնել անվտանգության գլխավոր երաշխավորի նրա պատմական դերը:
Միևնույն ժամանակ Զախարովան նշել էր, որ ԵՄ-ի հետ վիզային ռեժիմի ազատականացման ուղղությամբ աշխատանքը Հայաստանի ինքնիշխան իրավունքն է: Նա հստակեցրել էր, որ տվյալ հարցը Մոսկվայի և Երևանի միջև երկկողմ մակարդակով չի քննարկվել, սակայն ընդգծել էր, որ այդ բանակցություններում վտանգ չի տեսնում Ռուսաստանի և Հայաստանի միջև առանց վիզայի ռեժիմի համար:
