https://arm.sputniknews.ru/20241119/abkhaziaji-nakhagah-aslan-bzhanian-hrazharakan-e-talis-hajtni-e-vov-kpvokharini-nran-83139864.html
Աբխազիայի նախագահ Ասլան Բժանիան հրաժարական է տալիս. հայտնի է` ով կփոխարինի նրան
Աբխազիայի նախագահ Ասլան Բժանիան հրաժարական է տալիս. հայտնի է` ով կփոխարինի նրան
Sputnik Արմենիա
Աբխազիայի առաջնորդը պարզաբանել է, թե ինչու է որոշել հրաժարվել պաշտոնից։ 19.11.2024, Sputnik Արմենիա
2024-11-19T08:30+0400
2024-11-19T08:30+0400
2024-11-19T09:12+0400
աբխազիա
ասլան բժանիա
հրաժարական
պաշտոն
https://cdn.am.sputniknews.ru/img/07e6/06/10/43598524_0:0:3073:1728_1920x0_80_0_0_ba55653448b86cf9992c368b9535cdb0.jpg
ԵՐԵՎԱՆ, 19 նոյեմբերի – Sputnik. Աբխազիայի նախագահ Ասլան Բժանիան հրաժարական է տալիս: Տեղեկությունը հայտնում է Աբխազիայի նախագահի մամուլի ծառայությունը։Նոյեմբերի 19-ի գիշերը կայացած բանակցությունների արդյունքում իշխանության և ընդդիմության ներկայացուցիչները համաձայնագիր են ստորագրել, որի համաձայն՝ նախագահը լքում է իր պաշտոնը:«Աբխազիայի Հանրապետության նախագահ Ասլան Բժանիան հրաժարականի դիմում է ներկայացնում", – ասված է նախագահի մամուլի ծառայության հաղորդագրության մեջ:Խորհրդարանի խոսնակին ուղղված հայտարարության մեջ Բժանիան գրել է, որ հրաժարական է տալիս, որպեսզի երկրում կայունություն և սահմանադրական կարգ պահպանվի:Նախագահի պաշտոնակատար կդառնա Աբխազիայի փոխնախագահ Բադրա Գունբան, իսկ կառավարության ղեկավար` նախկին վարչապետ Վալերի Բգանբան։Ըստ համաձայնագրի` Գունբան պաշտոնից ազատում է Աբխազիայի վարչապետ Ալեքսանդր Անկվաբին, և այդ պաշտոնում նշանակվում է Վալերի Բգանբան։ Գործող նախարարները կատարում են իրենց պարտականություններն այնքան ժամանակ, քանի դեռ նոր նախագահ չի ընտրվել: Կողմերի համաձայնությամբ՝ կառավարական շենքերի համալիրի տարածքում և ներսում հավաքված քաղաքացիները ցրվում են 2024 թվականի նոյեմբերի 19-ին: Սույն կետը չկատարելու դեպքում Բժանիան հետ է վերցնում հրաժարականի դիմումը:Հիշեցնենք` նոյեմբերի 15-ին Աբխազիայի խորհրդարանը պետք է քննարկեր Ռուսաստանի հետ ներդրումային համաձայնագրի վավերացման հարցը: Ընդդիմությունը հայտարարում է, որ դեմ է այդ փաստաթղթի վավերացմանը, քանի որ կարծում է` դա թույլ կտա Ռուսաստանին բնակարանաշինություն սկսել Աբխազիայում։ Ընդդիմությունը մտավախություն ունի, որ նախագծի իրականացումը կհանգեցնի բնակարանների գների աճի և սպառնալիք կստեղծի փոքր և միջին բիզնեսի համար:Արդյունքում խորհրդարանականները որոշեցին հարցի քննարկումը տեղափոխել հաջորդ շաբաթ։ Ցուցարարները գրեթե անմիջապես հայտարարեցին, որ մտադիր չեն ցրվել, քանի դեռ խորհրդարանը դեմ չի քվեարկել վավերացմանը։ Նրանք կոտրեցին կառավարական համալիրի դարպասները` պահանջելով նախագահ Ասլան Բժանիայի հրաժարականը:Ավելի ուշ ցուցարարների մի մասին հաջողվեց մուտք գործել խորհրդարանի շենք, կոտրել որոշ աշխատասենյակների ապակիները և նիստերի դահլիճի սեղանը: Հանրապետության նախագահի մամուլի ծառայությունը հայտարարեց, որ Աբխազիայի ղեկավարի վարչակազմը երկրում իրավիճակի կայունացման համար փաստաթուղթ է պատրաստում ՌԴ-ի հետ ներդրումների մասին համաձայնագրի վավերացումը խորհրդարանից հետ կանչելու մասին: Նոյեմբերի 16-ին հայտնի դարձավ, որ Բժանիան չի ստորագրել համաձայնագիրը խորհրդարանից հետ կանչելու փաստաթուղթը։
աբխազիա
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
աբխազիա, ասլան բժանիա, հրաժարական, պաշտոն
աբխազիա, ասլան բժանիա, հրաժարական, պաշտոն
Աբխազիայի նախագահ Ասլան Բժանիան հրաժարական է տալիս. հայտնի է` ով կփոխարինի նրան
08:30 19.11.2024 (Թարմացված է: 09:12 19.11.2024) Աբխազիայի առաջնորդը պարզաբանել է, թե ինչու է որոշել հրաժարվել պաշտոնից։
ԵՐԵՎԱՆ, 19 նոյեմբերի – Sputnik. Աբխազիայի նախագահ Ասլան Բժանիան հրաժարական է տալիս: Տեղեկությունը հայտնում է
Աբխազիայի նախագահի մամուլի ծառայությունը։
Նոյեմբերի 19-ի գիշերը կայացած բանակցությունների արդյունքում իշխանության և ընդդիմության ներկայացուցիչները համաձայնագիր են ստորագրել, որի համաձայն՝ նախագահը լքում է իր պաշտոնը:
«Աբխազիայի Հանրապետության նախագահ Ասլան Բժանիան հրաժարականի դիմում է ներկայացնում", – ասված է նախագահի մամուլի ծառայության հաղորդագրության մեջ:
Խորհրդարանի խոսնակին ուղղված հայտարարության մեջ Բժանիան գրել է, որ հրաժարական է տալիս, որպեսզի երկրում կայունություն և սահմանադրական կարգ պահպանվի:
Նախագահի պաշտոնակատար կդառնա Աբխազիայի փոխնախագահ Բադրա Գունբան, իսկ կառավարության ղեկավար` նախկին վարչապետ Վալերի Բգանբան։
Ըստ համաձայնագրի` Գունբան պաշտոնից ազատում է Աբխազիայի վարչապետ Ալեքսանդր Անկվաբին, և այդ պաշտոնում նշանակվում է Վալերի Բգանբան։ Գործող նախարարները կատարում են իրենց պարտականություններն այնքան ժամանակ, քանի դեռ նոր նախագահ չի ընտրվել: Կողմերի համաձայնությամբ՝ կառավարական շենքերի համալիրի տարածքում և ներսում հավաքված քաղաքացիները ցրվում են 2024 թվականի նոյեմբերի 19-ին: Սույն կետը չկատարելու դեպքում Բժանիան հետ է վերցնում հրաժարականի դիմումը:
Հիշեցնենք` նոյեմբերի 15-ին Աբխազիայի խորհրդարանը պետք է քննարկեր Ռուսաստանի հետ ներդրումային համաձայնագրի վավերացման հարցը: Ընդդիմությունը հայտարարում է, որ դեմ է այդ փաստաթղթի վավերացմանը, քանի որ կարծում է` դա թույլ կտա Ռուսաստանին բնակարանաշինություն սկսել Աբխազիայում։ Ընդդիմությունը մտավախություն ունի, որ նախագծի իրականացումը կհանգեցնի բնակարանների գների աճի և սպառնալիք կստեղծի փոքր և միջին բիզնեսի համար:
Արդյունքում խորհրդարանականները
որոշեցին հարցի քննարկումը տեղափոխել հաջորդ շաբաթ։ Ցուցարարները գրեթե անմիջապես հայտարարեցին, որ մտադիր չեն ցրվել, քանի դեռ խորհրդարանը դեմ չի քվեարկել վավերացմանը։ Նրանք կոտրեցին կառավարական համալիրի դարպասները`
պահանջելով նախագահ Ասլան Բժանիայի հրաժարականը:
Ավելի ուշ ցուցարարների մի մասին հաջողվեց մուտք գործել խորհրդարանի շենք, կոտրել որոշ աշխատասենյակների ապակիները և նիստերի դահլիճի սեղանը: Հանրապետության նախագահի մամուլի ծառայությունը հայտարարեց, որ Աբխազիայի ղեկավարի վարչակազմը երկրում իրավիճակի կայունացման համար փաստաթուղթ է պատրաստում ՌԴ-ի հետ ներդրումների մասին համաձայնագրի վավերացումը խորհրդարանից հետ կանչելու մասին: Նոյեմբերի 16-ին հայտնի դարձավ, որ Բժանիան չի ստորագրել համաձայնագիրը խորհրդարանից հետ կանչելու փաստաթուղթը։
