https://arm.sputniknews.ru/20241113/hzbvollah-sharzhumy-balistik-hrtirnervov-harvatsel-e-israjeli-glkhavvor-shtabin-82980508.html
«Հզբոլլահ» շարժումը բալիստիկ հրթիռներով հարվածել է Իսրայելի գլխավոր շտաբին
«Հզբոլլահ» շարժումը բալիստիկ հրթիռներով հարվածել է Իսրայելի գլխավոր շտաբին
Sputnik Արմենիա
Շիական շարժումը հարձակման ընթացքում «Կադր-2» բալիստիկ հրթիռներ է կիրառել։ 13.11.2024, Sputnik Արմենիա
2024-11-13T23:25+0400
2024-11-13T23:25+0400
2024-11-13T23:25+0400
հզբոլլահ
իսրայել
հրթիռ
https://cdn.am.sputniknews.ru/img/07e8/08/04/79094802_0:15:1600:915_1920x0_80_0_0_d53a0bb856b8b7a6779c65885020ecc0.jpg
ԵՐԵՎԱՆ, 13 նոյեմբերի – Sputnik. Լիբանանյան «Հզբոլլահ» շարժման զինյալները մեկ օրում երկրորդ հարձակումն են իրականացրել Թել Ավիվում Իսրայելի պաշտպանության նախարարության գլխավոր շտաբի վրա: Տեղեկությունը հայտնում է ՌԻԱ Նովոստին՝ հղում անելով շարժման մամուլի ծառայությանը։Ավելի վաղ «Հզբոլլահի» մարտիկները կամիկաձե ԱԹՍ-ների խմբով հարձակվել էին Իսրայելի պաշտպանության նախարարության գլխավոր շտաբի տարածքի վրա։Թել Ավիվում հարձակման ենթարկված օբյեկտը Լիբանանի սահմանից 12 կմ է հեռու։Ըստ «Հզբոլլահի» հայտարարության` թիրախները խոցվել են։Հիշեցնենք` Իսրայելը հոկտեմբերի 1-ից Լիբանանի հարավում ցամաքային գործողություն է իրականացնում «Հզբոլլահի» ուժերի դեմ և շարունակում հրթիռակոծել հարևան երկիրը, որտեղ արդեն ավելի քան 2 հազար մարդ է զոհվել, ավելի քան մեկ միլիոն անձ փախստական է դարձել: Չնայած կորուստներին (այդ թվում՝ հրամանատարական կազմում)` «Հզբոլլահը» ցամաքային մարտեր է մղում և չի դադարեցնում Իսրայելի տարածքի հրթիռակոծումը:Իսրայելը նշում է, որ ռազմական արշավի գլխավոր նպատակն է պայմաններ ստեղծել հյուսիսի 60 հազար բնակիչների վերադարձի համար, որոնք մեկ տարի առաջ տարհանվել են «Հզբոլլահի» կողմից պաղեստինյան ՀԱՄԱՍ շարժմանն աջակցելու համար սկսված գնդակոծությունների պատճառով:Իրավիճակը կրկին սրվեց սեպտեմբերի 17-ին և 18-ին Լիբանանի տարբեր շրջաններում կապի միջոցների զանգվածային պայթյուններից հետո, որոնց հետևանքով տասնյակ մարդիկ մահացան, շուրջ 3 հազար քաղաքացիներ վիրավորվեցին: Ավելի ուշ իսրայելական ավիացիան հարվածեց Բեյրութի հարավային արվարձանում գտնվող բնակելի շենքին, ինչի հետևանքով մահացավ ավելի քան 50 մարդ, այդ թվում՝ «Հզբոլլահի» հատուկ գործողությունների ուժերի հրամանատար Իբրահիմ Աքիլը:Շիա զինյալներն ի պատասխան հարձակվեցին Իսրայելի ՌՕՈւ «Ռամաթ-Դավիդ» բազայի և Հայֆայի հյուսիսում գտնվող «Ռաֆայել» ռազմարդյունաբերական համալիրի վրա: Մի քանի հրթիռ պայթեց Հայֆայի բնակելի թաղամասերում։
իսրայել
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հզբոլլահ, իսրայել, հրթիռ
«Հզբոլլահ» շարժումը բալիստիկ հրթիռներով հարվածել է Իսրայելի գլխավոր շտաբին
Շիական շարժումը հարձակման ընթացքում «Կադր-2» բալիստիկ հրթիռներ է կիրառել։
ԵՐԵՎԱՆ, 13 նոյեմբերի – Sputnik. Լիբանանյան «Հզբոլլահ» շարժման զինյալները մեկ օրում երկրորդ հարձակումն են իրականացրել Թել Ավիվում Իսրայելի պաշտպանության նախարարության գլխավոր շտաբի վրա: Տեղեկությունը հայտնում է
ՌԻԱ Նովոստին՝ հղում անելով շարժման մամուլի ծառայությանը։
Ավելի վաղ «Հզբոլլահի» մարտիկները կամիկաձե ԱԹՍ-ների խմբով հարձակվել էին Իսրայելի պաշտպանության նախարարության գլխավոր շտաբի տարածքի վրա։
«Զինյալները երկրորդ անգամ են հարձակվել Թել Ավիվում գտնվող Հաքիրիա բազայի վրա, որտեղ տեղակայված են Իսրայելի գլխավոր շտաբը և Ռազմաօդային ուժերի վարչության հրամանատարական շտաբը՝ կիրառելով «Կադր-2» բալիստիկ հրթիռներ»,-ասվում է հայտարարության մեջ:
Թել Ավիվում հարձակման ենթարկված օբյեկտը Լիբանանի սահմանից 12 կմ է հեռու։
Ըստ «Հզբոլլահի» հայտարարության` թիրախները խոցվել են։
Հիշեցնենք` Իսրայելը հոկտեմբերի 1-ից Լիբանանի հարավում ցամաքային գործողություն է իրականացնում «Հզբոլլահի» ուժերի դեմ և շարունակում հրթիռակոծել հարևան երկիրը, որտեղ արդեն ավելի քան 2 հազար մարդ է զոհվել, ավելի քան մեկ միլիոն անձ փախստական է դարձել: Չնայած կորուստներին (այդ թվում՝ հրամանատարական կազմում)` «Հզբոլլահը» ցամաքային մարտեր է մղում և չի դադարեցնում Իսրայելի տարածքի հրթիռակոծումը:
Իսրայելը նշում է, որ ռազմական արշավի գլխավոր նպատակն է պայմաններ ստեղծել հյուսիսի 60 հազար բնակիչների վերադարձի համար, որոնք մեկ տարի առաջ տարհանվել են «Հզբոլլահի» կողմից պաղեստինյան ՀԱՄԱՍ շարժմանն աջակցելու համար սկսված գնդակոծությունների պատճառով:
Իրավիճակը կրկին սրվեց սեպտեմբերի 17-ին և 18-ին Լիբանանի տարբեր շրջաններում կապի միջոցների զանգվածային
պայթյուններից հետո, որոնց հետևանքով տասնյակ մարդիկ մահացան, շուրջ 3 հազար քաղաքացիներ վիրավորվեցին: Ավելի ուշ իսրայելական ավիացիան հարվածեց Բեյրութի հարավային արվարձանում գտնվող բնակելի շենքին, ինչի հետևանքով մահացավ ավելի քան 50 մարդ, այդ թվում՝ «Հզբոլլահի» հատուկ գործողությունների ուժերի հրամանատար Իբրահիմ Աքիլը:
Շիա զինյալներն ի պատասխան հարձակվեցին Իսրայելի ՌՕՈւ «Ռամաթ-Դավիդ» բազայի և Հայֆայի հյուսիսում գտնվող «Ռաֆայել» ռազմարդյունաբերական համալիրի վրա: Մի քանի հրթիռ պայթեց Հայֆայի բնակելի թաղամասերում։
