https://arm.sputniknews.ru/20240926/ardaradatutjan-nvoranshanak-pvokhnakharar-sirvard-gevvorgjany-hrazharakan-e-tvel-81127767.html

Արդարադատության նորանշանակ փոխնախարար Սիրվարդ Գևորգյանը հրաժարական է տվել

Արդարադատության նորանշանակ փոխնախարար Սիրվարդ Գևորգյանը հրաժարական է տվել

Sputnik Արմենիա

Նա նշել է, որ ոչ մի պաշտոն կամ աշխատանք իրեն չի կարող ստիպել հարվածի տակ դնել կամ ուրանալ իր ընկերներին ու գործընկերներին։ 26.09.2024, Sputnik Արմենիա

2024-09-26T19:20+0400

2024-09-26T19:20+0400

2024-09-26T20:48+0400

փոխնախարար

գրիգոր մինասյան

հրաժարական

https://cdn.am.sputniknews.ru/img/07e8/09/1a/81127508_0:88:1600:989_1920x0_80_0_0_d34241b7478c0e171eedd1b7d62f282e.jpg

ԵՐԵՎԱՆ, 26 սեպտեմբերի – Sputnik. Արդարադատության նորանշանակ փոխնախարար Սիրվարդ Գևորգյանը հրաժարական է տվել։ Այս մասին նա այսօր գրել է իր ֆեյսբուքյան էջում։«Մեծ ցավով ու ափսոսանքով եմ թողնում Արդարադատության նախարարության իրապես պրոֆեսիոնալ թիմ` նախարար Գրիգոր Մինասյանի գլխավորությամբ։ Այս համակարգում երկար տարիներ եմ աշխատել, ու դեռ շատ անելիքներ կային»,– գրել է նա։Նա շնորհակալություն է հայտնել ՀՀ վարչապետ Նիկոլ Փաշինյանին իրեն ցուցաբերած մեծ վստահության համար։Սիրվարդ Գևորգյանը արդարադատության նախարարի տեղակալ էր նշանակվել ընդամենը օրեր առաջ՝ սեպտեմբերի 5-ին։Թեմային անդրադարձել է նաև արդարադատության նախարար Գրիգոր Մինասյանը։ Նա իր ֆեյսբուքյան էջում ափսոսանք է հայտնել, որ առանձին անհատների չափազանց անարդար ու մանրախնդիր հարձակումների պատճառով նախարարությունը և պետական համակարգը կորցրեց իրապես արժեքավոր մասնագետի ու կառավարչի:Հիշեցնենք, որ ՔՊ–ական որոշ պատգամավորներ ստորագրահավաք են սկսել արդարադատության նախարար Գրիգոր Մինասյանին պաշտոնանկ անելու համար ՀՀ վարչապետ Նիկոլ Փաշինյանին դիմում ներկայացնելու համար։Մամուլում տարածվել էր տեղեկատվություն, թե դրա պատճառներից մեկն այն է, որ Գրիգոր Մինասյանը փոխնախարար է նշանակել Սիրվարդ Գևորգյանին, ով եղել ՀՀ երկրորդ նախագահ Ռոբերտ Քոչարյանի դստեր համակուրսեցին և նկար ունի, որտեղ նրա ձեռքում Քոչարյանի գիրքն է։

2024

Լուրեր

am_HY

փոխնախարար, գրիգոր մինասյան, հրաժարական