Իսկ գիտե՞ք, որ աստղերը լինում են նաև կարմիր ու կապույտ. Հայաստանում առաջին «Աստրոֆեստն» էր
Իսկ գիտե՞ք, որ աստղերը լինում են նաև կարմիր ու կապույտ. Հայաստանում առաջին «Աստրոֆեստն» էր
Sputnik Արմենիա
Օգոստոսի 10-ը հատկապես Սյունիքի մարզում իրադարձություններով լի է՝ մարզի տարբեր բնակավայրերում Նավասարդն են նշում, փառատոններ անցկացնում։ Ջերմուկում էլ առաջին... 10.08.2024, Sputnik Արմենիա
Հայաստանի աստղասերները մեկ վայրում են հավաքվել՝ պերսեիդների աստղաթափը դիտելու, Նավասարդը տոնելու, երկնային մարմինների, տիեզերքի մասին զրուցելու համար։ Օգոստոսի 10-ին Ջերմուկում անցկացվեց առաջին «Աստրոֆեստ» միջազգային փառատոնը, որը գիտության և արվեստի մի հետաքրքիր խառնուրդ էր։ Մի կողմում տիեզերքի մասին դասախոսություններ են, գիտափորձեր, աստղադիտակներով երկնային օբյեկտների որոնումներ, մյուս կողմում՝ երաժշտություն։«Աստղասեր հոբիիստները Հայաստանում շատ չեն՝ մոտ 70 հոգի։ Բայց տիեզերքի միստիկան ձգում է մարդկանց, ու մենք դա, այսպես ասած, օգտագործում ենք, որ մարդկանց բերենք դեպի գիտություն, որովհետև մենք հավատում ենք՝ մեր երկրին պետք են գիտահեն տնտեսություն, գիտական մտածելակերպ ունեցող շատ մարդիկ»,- խոսելով փառատոնի մտահղացման մասին՝ ասում է Space 42 կազմակերպության համահիմնադիր Վաչիկ Խաչատրյանը։Մինչ «Աստրոֆեստին» հասնելն էլ աստղասերները հատուկ աստրոտուրեր են կազմակերպում, գնում են «լավ երկինք» ունեցող գեղատեսիլ վայրեր՝ լուսային աղտոտվածություն չունեցող, քաղաքներից հեռու՝ երկնային մարմինները դիտելու։Վյաչեսլավ Պետրոսյանն աստղագետ-զբոսավար է, արդեն մոտ 3 տարի է՝ փոքր խմբերի ուղեկցում է գեղատեսիլ վայրեր, ինչպես ինքն է ասում, երկնային մարմիններ «բռնում» ու տուրի մասնակիցներին ցույց տալիս, նաև սովորեցնում, բացատրում, թե ինչու են աստղերը, օրինակ, տարբեր գույների լինում՝ կարմիր, կապույտ։«Կախված ջերմաստիճանից՝ տարբեր աստղեր տարբեր գույներ ունեն։ Առանց աստղադիտակի էլ երկար նայելու դեպքում կտեսնեք, որ գույներով տարբերվում են»,- բացատրում է Վյաչեսլավը։Ասում է՝ մեկ անգամ աստրոտուրի մասնակցած մարդը, մեծ հավանականությամբ, էլի է գալու, որովհետև սա լրիվ ուրիշ աշխարհ է։Առաջին «Աստրոֆեստին» նաև ռուս և ամերիկացի խոսնակներ են մասնակցում։ Ասում են՝ մեր երկիրը մեծ ներուժ ունի զարգացնելու աստրոտուրիզմը՝ մեր լեռները, գեղեցիկ բնությունն ու դրան գումարած լուսային աղտոտվածություն չունեցող երկինքն աշխարհի տարբեր կողմերի աստղասերներին կարող են Հայաստան հասցնել՝ ընկնող աստղերի հետ երազանքներ պահելու։
Օգոստոսի 10-ը հատկապես Սյունիքի մարզում իրադարձություններով լի է՝ մարզի տարբեր բնակավայրերում Նավասարդն են նշում, փառատոններ անցկացնում։ Ջերմուկում էլ առաջին «Աստրոֆեստ» միջազգային փառատոնն էր՝ համախմբելով աստղասերներին մի երկնքի տակ։
Հայաստանի աստղասերները մեկ վայրում են հավաքվել՝ պերսեիդների աստղաթափը դիտելու, Նավասարդը տոնելու, երկնային մարմինների, տիեզերքի մասին զրուցելու համար։ Օգոստոսի 10-ին Ջերմուկում անցկացվեց առաջին «Աստրոֆեստ» միջազգային փառատոնը, որը գիտության և արվեստի մի հետաքրքիր խառնուրդ էր։ Մի կողմում տիեզերքի մասին դասախոսություններ են, գիտափորձեր, աստղադիտակներով երկնային օբյեկտների որոնումներ, մյուս կողմում՝ երաժշտություն։
«Աստղասեր հոբիիստները Հայաստանում շատ չեն՝ մոտ 70 հոգի։ Բայց տիեզերքի միստիկան ձգում է մարդկանց, ու մենք դա, այսպես ասած, օգտագործում ենք, որ մարդկանց բերենք դեպի գիտություն, որովհետև մենք հավատում ենք՝ մեր երկրին պետք են գիտահեն տնտեսություն, գիտական մտածելակերպ ունեցող շատ մարդիկ»,- խոսելով փառատոնի մտահղացման մասին՝ ասում է Space 42 կազմակերպության համահիմնադիր Վաչիկ Խաչատրյանը։
Մինչ «Աստրոֆեստին» հասնելն էլ աստղասերները հատուկ աստրոտուրեր են կազմակերպում, գնում են «լավ երկինք» ունեցող գեղատեսիլ վայրեր՝ լուսային աղտոտվածություն չունեցող, քաղաքներից հեռու՝ երկնային մարմինները դիտելու։
Վյաչեսլավ Պետրոսյանն աստղագետ-զբոսավար է, արդեն մոտ 3 տարի է՝ փոքր խմբերի ուղեկցում է գեղատեսիլ վայրեր, ինչպես ինքն է ասում, երկնային մարմիններ «բռնում» ու տուրի մասնակիցներին ցույց տալիս, նաև սովորեցնում, բացատրում, թե ինչու են աստղերը, օրինակ, տարբեր գույների լինում՝ կարմիր, կապույտ։
«Կախված ջերմաստիճանից՝ տարբեր աստղեր տարբեր գույներ ունեն։ Առանց աստղադիտակի էլ երկար նայելու դեպքում կտեսնեք, որ գույներով տարբերվում են»,- բացատրում է Վյաչեսլավը։
Ասում է՝ մեկ անգամ աստրոտուրի մասնակցած մարդը, մեծ հավանականությամբ, էլի է գալու, որովհետև սա լրիվ ուրիշ աշխարհ է։
Առաջին «Աստրոֆեստին» նաև ռուս և ամերիկացի խոսնակներ են մասնակցում։ Ասում են՝ մեր երկիրը մեծ ներուժ ունի զարգացնելու աստրոտուրիզմը՝ մեր լեռները, գեղեցիկ բնությունն ու դրան գումարած լուսային աղտոտվածություն չունեցող երկինքն աշխարհի տարբեր կողմերի աստղասերներին կարող են Հայաստան հասցնել՝ ընկնող աստղերի հետ երազանքներ պահելու։
