https://arm.sputniknews.ru/20240810/hajastanin-karvogh-e-hetaqrqrel-brics-bridge-hartaky-pvordzagety-erkri-herankarneri-masin-79331543.html
Հայաստանին կարող է հետաքրքրել BRICS Bridge հարթակը. փորձագետը՝ երկրի հեռանկարների մասին
Հայաստանին կարող է հետաքրքրել BRICS Bridge հարթակը. փորձագետը՝ երկրի հեռանկարների մասին
Sputnik Արմենիա
Հարթակն ուղղված է ֆինանսական գործարքների արագության և մատչելիության բարձրացմանը, ինչպես նաև պատժամիջոցների դաշտից դուրս կայուն հաշվարկների ապահովմանը: 10.08.2024, Sputnik Արմենիա
2024-08-10T17:16+0400
2024-08-10T17:16+0400
2024-08-10T17:16+0400
բրիկս
հայաստան
ռուսաստան
https://cdn.am.sputniknews.ru/img/07e7/08/18/64849478_0:160:3072:1888_1920x0_80_0_0_198266a9541a22037dcb0747814c9545.jpg
ԵՐԵՎԱՆ, 10 օգոստոսի - Sputnik. Հայաստանին կարող է հետաքրքրել BRICS Bridge հարթակին միանալու առաջարկը, քանի որ միավորման մեջ, բացի Ռուսաստանից, ընդգրկված են մի շարք հեղինակավոր երկրներ (Չինաստան, Հնդկաստան, ՀԱՀ, Բրազիլիա, ԱՄԷ): Այս մասին Sputnik-ին տված հարցազրույցում ասաց Գ․Վ․ Պլեխանովի անվան Ռուսական տնտեսագիտական համալասարանի դոցենտ Իլյաս Զարիպովը։Ավելի վաղ բրազիլացի պրոֆեսոր, ԲՐԻԿՍ կենտրոնի նախագահ Վիսենտե Բարիենտոսը Երևանում կայացած համաժողովի ժամանակ հայտարարել էր, որ Հայաստանը կարող է միանալ BRICS Bridge հարթակին, որը նախատեսված է ԲՐԻԿՍ երկրների միջև անդրսահմանային վճարումների համար:Զարիպովը կարծում է, որ Հայաստանին համակարգ հրավիրելը նախևառաջ քաղաքական բնույթ է կրում:Նրա խոսքով՝ Հայաստանի համար լուրջ հեռանկար է բացվում. նրան հնարավորություն է ընձեռվում մասնակցել ԲՐԻԿՍ-ին՝ հետագայում միավորմանն անդամակցելու հեռանկարով: Ի վերջո, ԲՐԻԿՍ-ը ոչ ֆորմալ միավորում է, և որոշ երկրներ կարող են դրա մասնակից չլինել, բայց միանալ Զարգացման նոր բանկին:Զարիպովը նշեց, որ այս քայլով Ռուսաստանը փորձում է Հայաստանն իր ուղեծրում պահել, քանի որ այն բավական կարևոր երկիր է թե՛ աշխարհագրական առումով, թե՛ ժողովուրդների մերձեցման տեսանկյունից: Նա դա գնահատում է որպես իմիջային քայլ, որը հետագայում թույլ կտա բարելավել երկու երկրների հարաբերությունները։Միևնույն ժամանակ Զարիպովը նշեց, որ BRICS Bridge հարթակը սկսել է մշակվել առաջին պատժամիջոցներից հետո, երբ պարզ դարձավ, որ պատժամիջոցներն առաջին հերթին հարվածելու են հաշվարկներին: Ուստի որոշվեց ստեղծել հարթակ, որը կօգնի օգտվել թվային, ֆինանսական ակտիվներից։ Հայաստանը կարող է կարևոր օղակ դառնալ ԲՐԻԿՍ-ի և Եվրոպայի լոգիստիկ շղթաներում. Շաստրի«Այսինքն՝ ստեղծել SFIWT-ին նման ինչ-որ անկախ մեխանիզմ, որը կօգնի երկրների միջև հաշվարկներին»,-ասաց նա։Հիշեցնենք, որ Ռուսաստանի Դաշնության ֆինանսների նախարարությունը 2024 թվականի հունիսի 10-ին հայտարարեց BRICS Bridge (որպես Swift-ին այլընտրանք) հարթակի գործարկման մասին, որը նախատեսված է միավորման երկրների միջև անդրսահմանային վճարումներ իրականացնելու համար։ Նախաձեռնությունն ուղղված է ֆինանսական գործարքների արագության և մատչելիության բարձրացմանը, ինչպես նաև պատժամիջոցների դաշտից դուրս կայուն հաշվարկների ապահովմանը:
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
բրիկս, հայաստան, ռուսաստան
բրիկս, հայաստան, ռուսաստան
Հայաստանին կարող է հետաքրքրել BRICS Bridge հարթակը. փորձագետը՝ երկրի հեռանկարների մասին
Հարթակն ուղղված է ֆինանսական գործարքների արագության և մատչելիության բարձրացմանը, ինչպես նաև պատժամիջոցների դաշտից դուրս կայուն հաշվարկների ապահովմանը:
ԵՐԵՎԱՆ, 10 օգոստոսի - Sputnik. Հայաստանին կարող է հետաքրքրել BRICS Bridge հարթակին միանալու առաջարկը, քանի որ միավորման մեջ, բացի Ռուսաստանից, ընդգրկված են մի շարք հեղինակավոր երկրներ (Չինաստան, Հնդկաստան, ՀԱՀ, Բրազիլիա, ԱՄԷ): Այս մասին Sputnik-ին տված հարցազրույցում ասաց Գ․Վ․ Պլեխանովի անվան Ռուսական տնտեսագիտական համալասարանի դոցենտ Իլյաս Զարիպովը։
Ավելի վաղ բրազիլացի պրոֆեսոր, ԲՐԻԿՍ կենտրոնի նախագահ Վիսենտե Բարիենտոսը Երևանում կայացած համաժողովի ժամանակ հայտարարել էր, որ Հայաստանը կարող է միանալ BRICS Bridge հարթակին, որը նախատեսված է ԲՐԻԿՍ երկրների միջև անդրսահմանային վճարումների համար:
Զարիպովը կարծում է, որ Հայաստանին համակարգ հրավիրելը նախևառաջ քաղաքական բնույթ է կրում:
«Վերջին մի քանի տարվա ընթացքում Հայաստանը հեռանում է տարբեր ինտեգրացիոն միավորումներից (ԱՊՀ, ՀԱՊԿ - խմբ.): ԲՐԻԿՍ-ի նման խոշոր, հեղինակավոր միության հրավերը, հավանաբար կհետաքրքրի Հայաստանին, քանի որ Ռուսաստանից բացի դրա մեջ են մտնում Չինաստանը, Հնդկաստանը, ՀԱՀ-ը, Բրազիլիան, ԱՄԷ-ն»,-ասել է Զարիպովը։
Նրա խոսքով՝ Հայաստանի համար լուրջ հեռանկար է բացվում. նրան հնարավորություն է ընձեռվում մասնակցել ԲՐԻԿՍ-ին՝ հետագայում միավորմանն անդամակցելու հեռանկարով: Ի վերջո, ԲՐԻԿՍ-ը ոչ ֆորմալ միավորում է, և որոշ երկրներ կարող են դրա մասնակից չլինել, բայց միանալ Զարգացման նոր բանկին:
Զարիպովը նշեց, որ այս քայլով Ռուսաստանը փորձում է Հայաստանն իր ուղեծրում պահել, քանի որ այն բավական կարևոր երկիր է թե՛ աշխարհագրական առումով, թե՛ ժողովուրդների մերձեցման տեսանկյունից: Նա դա գնահատում է որպես իմիջային քայլ, որը հետագայում թույլ կտա բարելավել երկու երկրների հարաբերությունները։
Միևնույն ժամանակ Զարիպովը նշեց, որ BRICS Bridge հարթակը սկսել է մշակվել առաջին պատժամիջոցներից հետո, երբ պարզ դարձավ, որ պատժամիջոցներն առաջին հերթին հարվածելու են հաշվարկներին: Ուստի որոշվեց ստեղծել հարթակ, որը կօգնի օգտվել թվային, ֆինանսական ակտիվներից։
«Այսինքն՝ ստեղծել SFIWT-ին նման ինչ-որ անկախ մեխանիզմ, որը կօգնի երկրների միջև հաշվարկներին»,-ասաց նա։
Հիշեցնենք, որ Ռուսաստանի Դաշնության ֆինանսների նախարարությունը 2024 թվականի հունիսի 10-ին հայտարարեց BRICS Bridge (որպես Swift-ին այլընտրանք) հարթակի գործարկման մասին, որը նախատեսված է միավորման երկրների միջև անդրսահմանային վճարումներ իրականացնելու համար։ Նախաձեռնությունն ուղղված է ֆինանսական գործարքների արագության և մատչելիության բարձրացմանը, ինչպես նաև պատժամիջոցների դաշտից դուրս կայուն հաշվարկների ապահովմանը:
