https://arm.sputniknews.ru/20240702/sparnaliqi-depqum-irany-karvogh-e-pvokhel-mijukajin-dvoktriny-khamenii-khvorhrdakan-77883533.html
Սպառնալիքի դեպքում Իրանը կարող է փոխել միջուկային դոկտրինը. Խամենիի խորհրդական
Սպառնալիքի դեպքում Իրանը կարող է փոխել միջուկային դոկտրինը. Խամենիի խորհրդական
Sputnik Արմենիա
Իրանի գերագույն առաջնորդի խորհրդականը զգուշացրել է, որ եթե Արևմուտքը կրկին կիրառի պատժամիջոցները, որոնք հանվել են ԳՀՀԾ-ին միանալուց հետո, ապա Թեհրանից նույնպես... 02.07.2024, Sputnik Արմենիա
2024-07-02T13:08+0400
2024-07-02T13:08+0400
2024-07-02T13:09+0400
իրանի իսլամական հանրապետություն
ուրան
միջուկային զենք
https://cdn.am.sputniknews.ru/img/07e4/0c/03/25597567_0:72:1601:972_1920x0_80_0_0_5e44bcbf7f9b0b514a51b5d79fdb462b.jpg
ԵՐԵՎԱՆ, 2 հուլիսի – Sputnik. Իրանը միջուկային զենքի մշակմամբ չի զբաղվում, սակայն կարող է փոխել իր դոկտրինը երկրի գոյությանը սպառնացող վտանգի դեպքում։ Իրանի գերագույն առաջնորդի խորհրդական, երկրի միջազգային հարաբերությունների ռազմավարական խորհրդի ղեկավար Քամալ Խարազին այս մասին ասել է «Financial Times» թերթին։Նա նշել է, որ եթե Արևմուտքը նորից կիրառի պատժամիջոցները, որոնք հանվել էին Գործողությունների համատեղ համապարփակ ծրագրին Իրանի միանալուց հետո, Թեհրանից նույնպես լուրջ արձագանք կլինի՝ կապված միջուկային ռազմավարության փոփոխության հետ:Դրա հետ մեկտեղ, նրա խոսքով, Թեհրանը հանդես չի գալիս միջուկային զենքի ստեղծման օգտին։Հիշեցնենք` 2015 թվականին Մեծ Բրիտանիան, Գերմանիան, Չինաստանը, Ռուսաստանը, ԱՄՆ-ն, Ֆրանսիան և Իրանը միջուկային գործարք կնքեցին՝ ԳՀՀԾ-ն, որը ենթադրում էր պատժամիջոցների վերացում Իրանի միջուկային ծրագրի սահմանափակման դիմաց: 2018 թվականի մայիսին ԱՄՆ-ն Դոնալդ Թրամփի օրոք դուրս եկավ ԳՀՀԾ-ից և վերականգնեց Թեհրանի դեմ պատժամիջոցները։ Ի պատասխան Իրանը հայտարարեց համաձայնագրի շրջանակում իր պարտավորությունների փուլային կրճատման մասին՝ հրաժարվելով միջուկային հետազոտությունների, ցենտրիֆուգների և ուրանի հարստացման մակարդակի սահմանափակումներից:Ինչ վերաբերում է ԳՀՀԾ–ի բանակցությունների ավարտին, գնդակն Արևմուտքի դաշտում է. Իրանի ԱԳՆՎիեննայում բանակցություններ սկսվեցին Գործողությունների համատեղ համապարփակ ծրագրի (ԳՀՀԾ) վերականգնման և Թեհրանի դեմ Վաշինգտոնի պատժամիջոցների չեղարկման շուրջ: 2021 թվականի դեկտեմբերին կողմերը համաձայնության եկան համաձայնագրի երկու նախագծերի շուրջ, որոնցում եվրոպական կողմը ներառել էր նաև Իրանի դիրքորոշումները։ Իրանի ներկայացուցիչ Բաղերի Քանին հայտարարեց, որ բանակցությունները հաջող են ընթանում, սակայն ԱՄՆ պետդեպարտամենտի ներկայացուցիչ Նեդ Փրայսը Վիեննայում գրանցված առաջընթացը համեստ որակեց՝ Թեհրանին կոչ անելով խնդրին լուրջ վերաբերվել: Կողմերի՝ իրենց մայրաքաղաքներ վերադառնալուց հետո մարտի վերջին բանակցությունները դադարեցվեցին։ Իրանի ԱԳՆ-ն դրանում մեղադրում է ամերիկյան վարչակազմին։ ԳՀՀԾ-ի շուրջ բանակցությունների վերջին փուլը տեղի է ունեցել հունիսի 29-30-ը Կատարի մայրաքաղաք Դոհայում:Այժմ Վիեննայի բանակցային գործընթացը կանգ է առել։
իրանի իսլամական հանրապետություն
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
իրանի իսլամական հանրապետություն, ուրան, միջուկային զենք
իրանի իսլամական հանրապետություն, ուրան, միջուկային զենք
Սպառնալիքի դեպքում Իրանը կարող է փոխել միջուկային դոկտրինը. Խամենիի խորհրդական
13:08 02.07.2024 (Թարմացված է: 13:09 02.07.2024) Իրանի գերագույն առաջնորդի խորհրդականը զգուշացրել է, որ եթե Արևմուտքը կրկին կիրառի պատժամիջոցները, որոնք հանվել են ԳՀՀԾ-ին միանալուց հետո, ապա Թեհրանից նույնպես լուրջ արձագանք կլինի:
ԵՐԵՎԱՆ, 2 հուլիսի – Sputnik. Իրանը միջուկային զենքի մշակմամբ չի զբաղվում, սակայն կարող է փոխել իր դոկտրինը երկրի գոյությանը սպառնացող վտանգի դեպքում։ Իրանի գերագույն առաջնորդի խորհրդական, երկրի միջազգային հարաբերությունների ռազմավարական խորհրդի ղեկավար Քամալ Խարազին այս մասին ասել է «Financial Times» թերթին։
Նա նշել է, որ եթե Արևմուտքը նորից կիրառի պատժամիջոցները, որոնք հանվել էին Գործողությունների համատեղ համապարփակ ծրագրին Իրանի միանալուց հետո, Թեհրանից նույնպես լուրջ արձագանք կլինի՝ կապված միջուկային ռազմավարության փոփոխության հետ:
Դրա հետ մեկտեղ, նրա խոսքով, Թեհրանը հանդես չի գալիս միջուկային զենքի ստեղծման օգտին։
«Մինչ օրս մենք ուրանի ավելի քան 60 տոկոսով հարստացման մասին որոշում չենք կայացրել։ Բայց մենք փորձում ենք ընդլայնել մեր փորձը՝ օգտագործելով տարբեր մոտեցումներ և մեթոդներ»,-նշել է Խարազին։
Հիշեցնենք` 2015 թվականին Մեծ Բրիտանիան, Գերմանիան, Չինաստանը, Ռուսաստանը, ԱՄՆ-ն, Ֆրանսիան և Իրանը միջուկային գործարք կնքեցին՝ ԳՀՀԾ-ն, որը ենթադրում էր պատժամիջոցների վերացում Իրանի միջուկային ծրագրի սահմանափակման դիմաց: 2018 թվականի մայիսին ԱՄՆ-ն Դոնալդ Թրամփի օրոք դուրս եկավ ԳՀՀԾ-ից և վերականգնեց Թեհրանի դեմ պատժամիջոցները։ Ի պատասխան Իրանը հայտարարեց համաձայնագրի շրջանակում իր պարտավորությունների փուլային կրճատման մասին՝ հրաժարվելով միջուկային հետազոտությունների, ցենտրիֆուգների և ուրանի հարստացման մակարդակի սահմանափակումներից:
Վիեննայում բանակցություններ սկսվեցին Գործողությունների համատեղ համապարփակ ծրագրի (ԳՀՀԾ) վերականգնման և Թեհրանի դեմ Վաշինգտոնի պատժամիջոցների չեղարկման շուրջ: 2021 թվականի դեկտեմբերին կողմերը համաձայնության եկան համաձայնագրի երկու նախագծերի շուրջ, որոնցում եվրոպական կողմը ներառել էր նաև Իրանի դիրքորոշումները։ Իրանի ներկայացուցիչ Բաղերի Քանին հայտարարեց, որ բանակցությունները հաջող են ընթանում, սակայն ԱՄՆ պետդեպարտամենտի ներկայացուցիչ Նեդ Փրայսը Վիեննայում գրանցված առաջընթացը համեստ որակեց՝ Թեհրանին կոչ անելով խնդրին լուրջ վերաբերվել: Կողմերի՝ իրենց մայրաքաղաքներ վերադառնալուց հետո մարտի վերջին բանակցությունները դադարեցվեցին։ Իրանի ԱԳՆ-ն դրանում մեղադրում է ամերիկյան վարչակազմին։ ԳՀՀԾ-ի շուրջ բանակցությունների վերջին փուլը տեղի է ունեցել հունիսի 29-30-ը Կատարի մայրաքաղաք Դոհայում:
Այժմ Վիեննայի բանակցային գործընթացը կանգ է առել։
