«Եվրատեսիլ 2024»-ում հաղթեց Շվեյցարիայի ներկայացուցիչ Nemo-ն. ՀՀ–ի ներկայացուցիչը 8–րդն է
02:53 12.05.2024 (Թարմացված է: 09:13 12.05.2024)
Ռեփեր Nemo-ն
© AP Photo / Martin Meissner
Բաժանորդագրվել
«Լադանիվան» «Ժակո» երգով ելույթ ունեցավ 19-րդ համարի ներքո ու գրավեց 8-րդ տեղը։
ԵՐԵՎԱՆ, 12 մայիսի - Sputnik. Շվեդիայի Մալմյո քաղաքում ավարտվեց «Եվրատեսիլ 2024»-ը, որտեղ 25 երկիր պայքարում էր հաղթողի տիտղոսը նվաճելու համար:
Հաղթեց Շվեյցարիայի ներկայացուցիչ ռեփեր Nemo-ն The Code երգով (591 միավոր)։
Երկրորդ տեղում Խորվաթիան է, երրորդում՝ Ուկրաինան։
Հայաստանը ներկայացնող «Լադանիվան» «Ժակո» երգով ելույթ ունեցավ 19-րդ համարի ներքո ու գրավեց 8-րդ տեղը (183 միավոր)։
Ռեփեր Nemo-ն հեենց բեմի վրա կոտրեց իր ապակե մրցանակը։
Եզրափակիչում էին հայտնվել 26 երկիր՝ Շվեդիան, Ուկրաինան, Գերմանիան, Լյուքսենբուրգը, Նիդեռլանդները, Իսրայելը, Լիտվան, Իսպանիան, Էստոնիան, Իռլանդիան, Լատվիան, Հունաստանը, Միացյալ Թագավորությունը, Նորվեգիան, Իտալիան, Սերբիան, Ֆինլանդիան, Պորտուգալիան, Հայաստանը, Կիպրոսը, Շվեյցարիան, Սլովենիան, Խորվաթիան, Վրաստանը, Ֆրանսիան եւ Ավստրիան:
Սակայն Նիդեռլանդների ներկայացուցիչ Յոստ Քլայնը զրկվել էր ելույթի հնարավորությունից, քանի որ նրա դեմ բողոք է ներկայացրել նկարահանող խմբի աշխատակցուհին։
