«Կարոտում եմ երկրպագուներին». Խորեն Բայրամյանը՝ Հայաստանի հավաքականում խաղալու մասին
Բաժանորդագրվել
Խորեն Բայրամյանը Հայաստանի հավաքական չի հրավիրվել 2023 թվականից։
ԵՐԵՎԱՆ, 6 ապրիլի – Sputnik. «Ռոստովի» կիսապաշտպան Խորեն Բայրամյանը կարոտում է հայ երկրպագուներին և ցանկանում է վերադառնալ Հայաստանի հավաքական։ Նա այդ մասին ասել է «RB-Sport»–ի հետ զրույցում։
«Պետրակովի հետ տարաձայնություններ ու իմ ապագան Հայաստանի հավաքականո՞ւմ։ Նա մարզիչ է, ես՝ խաղացող, նա է որոշում՝ ում զանգի, ում` ոչ։ Ես պարզապես ուզում եմ ասել է, որ սիրում եմ Հայաստանը, ուզում եմ խաղալ իմ հավաքականում և շատ եմ կարոտում հայ երկրպագուներին»,- ասել է Բայրամյանը։
Խորեն Բայրամյանը «Ռոստովի» սան է և ակումբում խաղում է 2011 թվականից: Այդ ընթացքում նա դարձել է 11 գոլի և 14 գոլային փոխանցման հեղինակ: Հայաստանի հավաքականի կազմում Խորեն Բայրամյանն անցկացրել է 22 հանդիպում, խփել երկու գոլ և կատարել մեկ գոլային փոխանցում:
