https://arm.sputniknews.ru/20240326/inchu-erevani-erebuni-hamajnqum-chi-karucvi-nvor-qkh-n-nakharary-nvor-taratsqi-masin-khvosec-73854472.html
Ինչո՞ւ նոր ՔԿՀ-ն չի կառուցվի Երևանի Էրեբունի համայնքում․ նախարարը նոր տարածքի մասին խոսեց
Ինչո՞ւ նոր ՔԿՀ-ն չի կառուցվի Երևանի Էրեբունի համայնքում․ նախարարը նոր տարածքի մասին խոսեց
Sputnik Արմենիա
Գելոդեզիական աշխատանքներ իրականցնելիս պարզվել է, որ այդ հողերի վրա բետոնացման աշխատանքները շատ թանկ կարժենան։ 26.03.2024, Sputnik Արմենիա
2024-03-26T14:12+0400
2024-03-26T14:12+0400
2024-03-26T15:04+0400
գրիգոր մինասյան
քրեակատարողական հիմնարկ (քկհ)
բանտ
https://cdn.am.sputniknews.ru/img/07e6/09/07/47870618_0:0:960:540_1920x0_80_0_0_b931f29b83d4737f42bf9ae92baa015b.jpg
ԵՐԵՎԱՆ, 26 մարտի – Sputnik. Երևանի Էրեբունի վարչական շրջանում նոր քրեակատարողական հիմնարկ չի կառուցվի։ Այդ մասին ՀՀ ԱԺ պետաիրավական հարցերի մշտական հանձնաժողովի այսօրվա նիստի ժամանակ հայտարարեց ՀՀ արդարադատության նախարար Գրիգոր Մինասյանը։Ավելի վաղ հայտնել էինք, որ մրցույթ պետք է հայտարարվեր, և Էրեբունի համայնքում նոր բանտ էին սկսելու կառուցել։Նախարարը հիշեցրեց, որ նախատեսված էր Երևանի Էրեբունի վարչական շրջանում՝ Նուբարաշեն և Վարդաշեն ՔԿՀ-երի տարածքում, կառուցել նոր բանտ։ Երբ մրցույթը հաղթած ընկերությունը գեոդեզիական աշխատանքներ իրականացրեց, պարզվեց, որ այդ հողերի վրա բետոնացման աշխատանքների համար ներդրումն այնքան մեծ պետք է լինի, որ բոլորովին էլ նպատակահարմար չե այնտեղ բանտ կառուցել։Ըստ նրա՝ լավ նորությունն այն է, որ ոչ թե զրոյից պիտի սկսեն նոր ՔԿՀ-ի կառուցման աշխատանքները՝ նորից հող ման գալ, նոր մրցույթ անել, արդյունքում մի տարի կորցնել, այլ հենց նույն մրցույթի շրջանակում այսօր արդեն փաթեթը կազմված է, վարչապետի աշխատակազմի հետ աշխատում են, որ այդ ծրագիրն իրականացնեն «Աբովյան» ՔԿՀ մոտ։«Այստեղ հսկայական տարածք ունի «Աբովյան» ՔԿՀ-ն, այստեղի հողը շատ բարձր, լավ որակի է։ Այնքան լավ հող է, որ ներդրողներ կային, որոնք ցանկանում էին այնտեղ բնակելի թաղամաս կառուցել․ բիզնեսն այդ առումով ավելի պրոֆեսիոնալ է»,- ընդգծեց Մինասյանը։Ըստ նրա՝ այդ ծրագրի շրջանակում այս տարվա հունիսին մրցույթը հաղթած ընկերությունը պետք է հանձներ նախագծային, նախահաշվարկային փաթեթը, սակայն ՀՀ կառավարությունը որոշել է գործընթացը տեղափոխել նոյեմբեր՝ աշխատելու «Աբովյան» ՔԿՀ-ի կողքի տարածքի ուղղությամբ։ Մինասյանի խոսքով՝ 90 տոկոսով վստահ են, որ ոչ մի խնդիր այստեղ չի լինի։Մինասյանն ավելացրեց, որ արդյունքում 4 ՔԿՀ՝ «Նուբարաշեն», «Վարդաշեն», «Երևան», «Դատապարտյալների հիվանդանոց», կփակվեն ու այնտեղի ծառայողներն ու դատապարտյալները կտեղափոխվեն նոր կառուցվող բանտ։ Այդ 4 ՔԿՀ-ում բարեկարգման աշխատանքներ կլինեն մինչև կկառուցվի նոր բանտը։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
գրիգոր մինասյան, քրեակատարողական հիմնարկ (քկհ), բանտ
գրիգոր մինասյան, քրեակատարողական հիմնարկ (քկհ), բանտ
Ինչո՞ւ նոր ՔԿՀ-ն չի կառուցվի Երևանի Էրեբունի համայնքում․ նախարարը նոր տարածքի մասին խոսեց
14:12 26.03.2024 (Թարմացված է: 15:04 26.03.2024) Գելոդեզիական աշխատանքներ իրականցնելիս պարզվել է, որ այդ հողերի վրա բետոնացման աշխատանքները շատ թանկ կարժենան։
ԵՐԵՎԱՆ, 26 մարտի – Sputnik. Երևանի Էրեբունի վարչական շրջանում նոր քրեակատարողական հիմնարկ չի կառուցվի։ Այդ մասին ՀՀ ԱԺ պետաիրավական հարցերի մշտական հանձնաժողովի այսօրվա նիստի ժամանակ հայտարարեց ՀՀ արդարադատության նախարար Գրիգոր Մինասյանը։
Ավելի վաղ հայտնել էինք, որ մրցույթ պետք է հայտարարվեր, և Էրեբունի համայնքում նոր բանտ էին սկսելու կառուցել։
Նախարարը հիշեցրեց, որ նախատեսված էր Երևանի Էրեբունի վարչական շրջանում՝ Նուբարաշեն և Վարդաշեն ՔԿՀ-երի տարածքում, կառուցել նոր բանտ։ Երբ մրցույթը հաղթած ընկերությունը գեոդեզիական աշխատանքներ իրականացրեց, պարզվեց, որ այդ հողերի վրա բետոնացման աշխատանքների համար ներդրումն այնքան մեծ պետք է լինի, որ բոլորովին էլ նպատակահարմար չե այնտեղ բանտ կառուցել։
«Դա է պատճառը, որ այնտեղ գտնվող «Նուբարաշեն» և «Վարդաշեն» ՔԿՀ-երն այդքան անմխիթար վիճակում են։ Խորհրդային Միության տարիներին երկար չեն մտածել, տեսել են հողերը Երևանից դուրս են, անպիտան են, կառուցել են բանտեր, դրա համար բոլորս հիմա տառապում ենք այդ սխալ որոշման արդյունքում»,- հայտարարեց նախարարը։
Ըստ նրա՝ լավ նորությունն այն է, որ ոչ թե զրոյից պիտի սկսեն նոր ՔԿՀ-ի կառուցման աշխատանքները՝ նորից հող ման գալ, նոր մրցույթ անել, արդյունքում մի տարի կորցնել, այլ հենց նույն մրցույթի շրջանակում այսօր արդեն փաթեթը կազմված է, վարչապետի աշխատակազմի հետ աշխատում են, որ այդ ծրագիրն իրականացնեն «Աբովյան» ՔԿՀ մոտ։
«Այստեղ հսկայական տարածք ունի «Աբովյան» ՔԿՀ-ն, այստեղի հողը շատ բարձր, լավ որակի է։ Այնքան լավ հող է, որ ներդրողներ կային, որոնք ցանկանում էին այնտեղ բնակելի թաղամաս կառուցել․ բիզնեսն այդ առումով ավելի պրոֆեսիոնալ է»,- ընդգծեց Մինասյանը։
Ըստ նրա՝ այդ ծրագրի շրջանակում այս տարվա հունիսին մրցույթը հաղթած ընկերությունը պետք է հանձներ նախագծային, նախահաշվարկային փաթեթը, սակայն ՀՀ կառավարությունը որոշել է գործընթացը տեղափոխել նոյեմբեր՝ աշխատելու «Աբովյան» ՔԿՀ-ի կողքի տարածքի ուղղությամբ։ Մինասյանի խոսքով՝ 90 տոկոսով վստահ են, որ ոչ մի խնդիր այստեղ չի լինի։
Մինասյանն ավելացրեց, որ արդյունքում 4 ՔԿՀ՝ «Նուբարաշեն», «Վարդաշեն», «Երևան», «Դատապարտյալների հիվանդանոց», կփակվեն ու այնտեղի ծառայողներն ու դատապարտյալները կտեղափոխվեն նոր կառուցվող բանտ։ Այդ 4 ՔԿՀ-ում բարեկարգման աշխատանքներ կլինեն մինչև կկառուցվի նոր բանտը։
