https://arm.sputniknews.ru/20231215/hhum-artadrvats-katnamterqy-vor-depqum-hnaravvor-klini-krkin-artahanel-rd-70099681.html
ՀՀ–ում արտադրված կաթնամթերքը ո՞ր դեպքում հնարավոր կլինի կրկին արտահանել ՌԴ
ՀՀ–ում արտադրված կաթնամթերքը ո՞ր դեպքում հնարավոր կլինի կրկին արտահանել ՌԴ
Sputnik Արմենիա
ՍԱՏՄ մասնագետները պատրաստ են համապատասխան մասնագիտական աջակցություն տրամադրել առկա խնդիրները արագ լուծելու համար։ 15.12.2023, Sputnik Արմենիա
2023-12-15T16:11+0400
2023-12-15T16:11+0400
2023-12-15T16:35+0400
հայաստան
ռուսաստան
կաթնամթերք
https://cdn.am.sputniknews.ru/img/07e5/04/0c/27141291_0:0:1600:901_1920x0_80_0_0_b43a481e230e7cefec46bb423b9b3e97.jpg
ԵՐԵՎԱՆ, 15 դեկտեմբերի – Sputnik. ՀՀ–ում արտադրված կաթնամթերքը պետք է համապատասխանի ԵԱՏՄ օրենսդրությամբ սահմանված պահանջներին։ Այս մասին ասել է ՀՀ սննդամթերքի անվտանգության տեսչական մարմնի ղեկավար Արմեն Հայրապետյանը Հայաստանի կաթնամթերք արտադրող և արտահանող ընկերությունների ներկայացուցիչների հետ զրույցում։Ինչպես հայտնում է ՍԱՏՄ մամուլի ծառայությունը, նա տնտեսվարվողներին ներկայացրել է ՌԴ անասնաբուժական և բուսասանիտարական վերահսկողության դաշնային ծառայության (Ռոսսելխոզնադզոր) ղեկավարի Սերգեյ Դանկվերտի վերջին հանդիպման ընթացքում քննարկման արդյունքները։Նշվում է, որ Դանկվերտի հետ քննարկվել են Հայաստանում կաթնամթերք արտադրող ձեռնարկությունների արտադրանքի մատակարարումները Ռուսաստան վերսկսելու խնդիրը։ Ձեռք է բերվել համատեղ վերահսկողական միջոցառումներ անցկացնելու մասին պայմանավորվածություն։Հայրապետյանը վստահեցրել է, որ տեսչական մարմնի մասնագետները պատրաստ են համապատասխան մասնագիտական աջակցություն տրամադրել առկա խնդիրները արագ լուծելու համար:«Միայն արտադրությունների վստահորեն պատրաստ լինելուց հետո ՌԴ համապատասխան գերատեսչության հետ կհստակեցվեն վերահսկողություն իրականացնելու ժամկետները»,- նշել է ՍԱՏՄ ղեկավարը:Շեղումով որևէ բեռ ՀՀ սահմանը հատել չի կարող. Հայրապետյանը զգուշացրել է տնտեսվարողներինԿաթնամթերք արտադրողներն իրենց հերթին արձանագրել են, որ այսպիսի հանդիպումներն արդյունավետ ձևաչափ են առաջացած խնդիրների մասին բարձրաձայնելու և դրանց շուրջ պարզաբանումներ ստանալու համար:Հիշեցնենք` Հայաստանից Ռուսաստան կաթնամթերքի արտահանման արգելքը ուժի մեջ մտավ ապրիլի 5-ից։ Մարտի 29-ին Ռոսսելխոզնադզորը հայտարարեց, որ կքննարկի Հայաստանից Ռուսաստան կաթնամթերքի ներմուծման սահմանափակումների հարցը հայկական կողմի վատ վերահսկողության և սահմանափակող միջոցների խախտման պատճառով։ Հայկական կողմից ստացված տեղեկությունների համաձայն՝ Հայաստանի կաթի վերամշակման ձեռնարկություններն օգտագործում են Իրանի Իսլամական Հանրապետության ձեռնարկությունների արտադրած հումքը, ինչի նկատմամբ Ռոսսելխոզնադզորը սահմանափակող միջոցներ է կիրառել։Հունիսի 14-ին հայտնի դարձավ, որ ՀՀ–ում կաթնամթերք արտադրողներից մի քանիսին թույլատրվել է ՌԴ արտահանումներ անել։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ռուսաստան, կաթնամթերք
հայաստան, ռուսաստան, կաթնամթերք
ՀՀ–ում արտադրված կաթնամթերքը ո՞ր դեպքում հնարավոր կլինի կրկին արտահանել ՌԴ
16:11 15.12.2023 (Թարմացված է: 16:35 15.12.2023) ՍԱՏՄ մասնագետները պատրաստ են համապատասխան մասնագիտական աջակցություն տրամադրել առկա խնդիրները արագ լուծելու համար։
ԵՐԵՎԱՆ, 15 դեկտեմբերի – Sputnik. ՀՀ–ում արտադրված կաթնամթերքը պետք է համապատասխանի ԵԱՏՄ օրենսդրությամբ սահմանված պահանջներին։ Այս մասին ասել է ՀՀ սննդամթերքի անվտանգության տեսչական մարմնի ղեկավար Արմեն Հայրապետյանը Հայաստանի կաթնամթերք արտադրող և արտահանող ընկերությունների ներկայացուցիչների հետ զրույցում։
Ինչպես հայտնում է
ՍԱՏՄ մամուլի ծառայությունը, նա տնտեսվարվողներին ներկայացրել է ՌԴ անասնաբուժական և բուսասանիտարական վերահսկողության դաշնային ծառայության (Ռոսսելխոզնադզոր) ղեկավարի Սերգեյ Դանկվերտի վերջին հանդիպման ընթացքում քննարկման արդյունքները։
Նշվում է, որ Դանկվերտի հետ քննարկվել են Հայաստանում կաթնամթերք արտադրող ձեռնարկությունների արտադրանքի մատակարարումները Ռուսաստան վերսկսելու խնդիրը։ Ձեռք է բերվել համատեղ վերահսկողական միջոցառումներ անցկացնելու մասին պայմանավորվածություն։
«Արմեն Հայրապետյանը տնտեսվարողներին հիշեցրել է ռուսական կողմի պահանջը՝ ՌԴ արտահանվող կաթնամթերքի հումքը պետք է լինի բացառապես հայկական, ու հորդորել է հստակ գնահատել իրենց արտադրություններում առկա ռիսկերը, վերացնել դրանք, արտադրական ամբողջ գործընթացը համապատասխանեցնել ԵԱՏՄ օրենսդրությամբ և տեխնիկական կանոնակարգերով սահմանված պահանջներին, ներդնել Վտանգի վերլուծության և հսկման կրիտիկական կետերի համակարգը (HACCP)»,–նշված է հաղորդագրության մեջ։
Հայրապետյանը վստահեցրել է, որ տեսչական մարմնի մասնագետները պատրաստ են համապատասխան մասնագիտական աջակցություն տրամադրել առկա խնդիրները արագ լուծելու համար:
«Միայն արտադրությունների վստահորեն պատրաստ լինելուց հետո ՌԴ համապատասխան գերատեսչության հետ կհստակեցվեն վերահսկողություն իրականացնելու ժամկետները»,- նշել է ՍԱՏՄ ղեկավարը:
Կաթնամթերք արտադրողներն իրենց հերթին արձանագրել են, որ այսպիսի հանդիպումներն արդյունավետ ձևաչափ են առաջացած խնդիրների մասին բարձրաձայնելու և դրանց շուրջ պարզաբանումներ ստանալու համար:
Հիշեցնենք` Հայաստանից Ռուսաստան կաթնամթերքի արտահանման արգելքը ուժի մեջ մտավ ապրիլի 5-ից։ Մարտի 29-ին Ռոսսելխոզնադզորը
հայտարարեց, որ կքննարկի Հայաստանից Ռուսաստան կաթնամթերքի ներմուծման սահմանափակումների հարցը հայկական կողմի վատ վերահսկողության և սահմանափակող միջոցների խախտման պատճառով։ Հայկական կողմից ստացված տեղեկությունների համաձայն՝ Հայաստանի կաթի վերամշակման ձեռնարկություններն օգտագործում են Իրանի Իսլամական Հանրապետության ձեռնարկությունների արտադրած հումքը, ինչի նկատմամբ Ռոսսելխոզնադզորը սահմանափակող միջոցներ է կիրառել։
