Համացանցում տեսանյութ է հրապարակվել զինծառայողների քվեարկության կադրերով։ Դրանցում երևում է, որ զինծառայողները քվեախցիկում ոչ թե ընտրություն են կատարում, այլ վերցնում են այնտեղ նախապես դրված ծրարով քվեաթերթիկը և դուրս գալով քվեախցիկից` այն գցում քվեատուփի մեջ։
ՀՀ գլխավոր դատախազությունից Sputnik Արմենիային հայտնեցին, որ տեսանյութն արդեն ուսումնասիրվում է։ Այս պահին դեռ հայտնի չէ` երբ է այն նկարհանվել ու որտեղ։
Դատախազությունը խոստանում է բոլոր հանգամանքները պարզելուց հետո հանդես գալ հայտարարությամբ։
