«Ռոսիա» տոնավաճառում ոչինչ չենք խլել, պայմանները բարելավում ենք. Խաչատուր Սուքիասյան

ԵՐԵՎԱՆ, 24 ապրիլի — Sputnik. ԱԺ իշխող «Քաղաքացիական պայմանագիր» կուսակցության պատգամավոր Խաչատուր Սուքիասյանը, որի ընտանիքին է պատկանում Երևանում գործող «Ռոսիա» տոնավաճառը, համակարծիք չէ, որ տոնավաճառի աշխատակիցների համար խնդիրներ են առաջացրել։ Այսօր Ամիրյան փողոցում լրագրողների հետ զրույցում նա ասաց, որ տոնավաճառը համապատասխանեցվում է միջազգային ստանդարտներին։

Դիտարկմանը, որ աշխատակիցները պնդում են, թե տարածքը տրամադրվելու է 3 բրենդի, և իրենք մրցակցությանը չեն դիմանալու, նա հակադարձեց, թե 3 բրենդով չի լինելու։

«Ասում ենք՝ եթե այս վայրը չէ, ապա այլ վայրերում, որտեղ նմանատիպ ապրանքների շրջանառություն կա, ձեզ առաջարկ ենք արել, որ տարածք տրամադրենք։ Իհարկե, մեր ընտանիքի կողմից ասվել է, որ ոչ մի մարդ պետք է չնեղանա»,– նշեց Սուքիասյանը։

Հիշեցնենք, որ ակցիաներից հետո «Ռոսիա» տոնավաճառի աշխատակիցներից մեկը հայտնեց, որ իրենք դեռ 4-5 ամիս կաշխատեն իրենց տաղավարներում։