ԵՐԵՎԱՆ,17 ապրիլի – Sputnik.Ուկրաինայի զինված ուժերի հարձակումների հետևանքով Կուրսկի մարզի Բելովսկի շրջանում 12-ամյա երեխա է վիրավորում ստացել. նրան տեղափոխել են շրջանային հիվանդանոց։ Այս մասին հայտնել է շրջանի ղեկավար Ալեքսանդր Խինշտեյնը։
«Բելովսկի շրջանի Մոկրուշինո գյուղում հարձակումների հետևանքով 12-ամյա երեխա է վիրավորվել։ Նա ձախ ոտքի վնասվածքներ է ստացել ականի պայթյունից։ Երեխան տեղափոխվել է Կուրսկի շրջանային հիվանդանոց, նրա կյանքին վտանգ չի սպառնում», - Max հարթակում հայտնել է Խինշտեյնը։
Բելգորոդի մարզպետ Վյաչեսլավ Գլադկովն իր հերթին հայտնել է, որ Շեբեկինոյում Ուկրաինայի զինված ուժերի հասցրած հարվածներից վիրավորվել է երկու քաղաքացիական անձ։
«Երեկ երեկոյան շտապօգնության մեքենան Շեբեկինոյի կենտրոնական շրջանային հիվանդանոցից Բելգորոդի քաղաքային թիվ 2 հիվանդանոցի վերակենդանացման բաժանմունք է տեղափոխել Արխանգելսկոյե գյուղում հրետակոծության հետևանքով վիրավորված տղամարդու։ Կորոչանսկի շրջանի Մելիխովո գյուղում էլ թշնամու անօդաչու թռչող սարքի խոցման ժամանակ էլ վնասվածքներ է ստացել մի կին», - գրել է մարզպետ Գլադկովը Max հարթակի իր ալիքում։
Նա հավելել է, որ վիճակը բժիշկները գնահատում են ծանր, իսկ կինը բժշկական օգնություն է ստացել և բուժումը կշարունակի ամբուլատոր պայաններում։
Գլադկովը հայտնել է նաև, որ Շեբեկինո քաղաքում ԱԹՍ–ի հարձակման ենթարկվել առևտրային շենք, իսկ Բելգորոդի շրջանի Նիկոլսկոյե գյուղում` ավտոբուս։ Վարորդին հաջողվել է փախչել։ Տրանսպորտային միջոցը հրդեհվել է։
Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ ռազմական հատուկ գործողություն սկսելու որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Մարտական գործողություններն ընթանում են մինչ օրս։
Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։