ԵՐԵՎԱՆ, 23 մարտի – Sputnik. Ռուսաստանը մշտական երկխոսության մեջ է ՄԱԳԱՏԷ-ի հետ «Բուշեր» ԱԷԿ–ում ստեղծված իրավիճակի վերաբերյալ։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։
Մոսկվան Իրանի «Բուշեր» ԱԷԿ–ի շուրջ ստեղծված իրավիճակի հետ կապված հնարավոր սպառնալիքների վերաբերյալ ազդանշաններ է փոխանցում նաև ամերիկյան կողմին։
Այժմ կայանը ՄԱԿ-ի և ՄԱԳԱՏԷ-ի հսկողության ներքո է։ Պեսկովը հավելել է, որ Ռուսաստանը միջուկային օբյեկտներին հարվածները համարում է չափազանց վտանգավոր և բազմիցս արտահայտել է իր մտահոգությունները։
Մարտի 17-ին Իրանի Ատոմային Էներգիայի կազմակերպությունը հայտնեց, որ «Բուշեր» ատոմակայանին արկ է հարվածել, զոհեր կամ նյութական վնաս չի եղել։ «Ռոսատոմ» պետական կորպորացիայի գլխավոր տնօրեն Ալեքսեյ Լիխաչովը նույն օրը պարզաբանեց, որ հարվածը հասցվել է չափագիտական ծառայության շենքին հարող տարածքին, որը գտնվում է «Բուշեր» ատոմակայանի արդյունաբերական հարթակում՝ գործող էներգաբլոկի հարևանությամբ։