ԵՐԵՎԱՆ, 21 մարտի – Sputnik. Քրեական աստիճանակարգության բարձրագույն կարգավիճակ տալու կամ ստանալու կամ պահպանելու մեղադրանքով հետախուզվող 33-ամյա տղամարդը կալանավորվել է։ Տեղեկությունը հայտնում է ՀՀ ՆԳՆ ոստիկանությունը։
«Մարտի 20-ին Անաստաս Միկոյան փողոցում հայտնաբերվել, ձերբակալել և Երևան քաղաքի վարչություն է տեղափոխվել Երևան քաղաքում հաշվառված 33-ամյա մի տղամարդ։ Նա հունվարի 7-ից հետախուզվում էր քրեական աստիճանակարգության բարձրագույն կարգավիճակ տալու կամ ստանալու կամ պահպանելու մեղադրանքով»,- ասված է հաղորդագրությունում։
Նշվում է, որ խափանման միջոց է ընտրվել կալանքը։ Տղամարդը տեղափոխվել է քրեակատարողական հիմնարկ: