ԵՐԵՎԱՆ, 12 մարտի – Sputnik. Իրանը թույլատրել է Հնդկաստանի դրոշի ներքո նավարկող լցանավերին անցնել Հորմուզի նեղուցով։ Տեղեկությունը հաղորդում է NDTV-ն։
Լրավամիջոցների աղբյուրների տվյալներով՝ դա տեղի է ունեցել Հնդկաստանի արտգործնախարար Սուբրամանյամ Ջայշանկարի և Իրանի արտգործնախարար Աբբաս Արաղչիի միջև բանակցություններից հետո։
Առնվազն երկու հնդկական լցանավ՝ «Պուշպակը» և «Պարիմալը», արդեն անցել են նեղուցով։
ԱՄՆ-ի, Եվրոպայի և Իսրայելի նավերն արգելափակվում են։
Հնդկական պարբերականի հրապարակումից կարճ ժամանակ անց իրանական լրատվամիջոցները հերքեցին, որ համաշխարհային էներգետիկ ճգնաժամի սրման ֆոնին Թեհրանը թույլ է տվել Հնդկաստանի դրոշի ներքո նավարկող լցանավերին անցնել Հորմուզի նեղուցով։ Թեհրանից դեռ պաշտոնական մեկնաբանություն չկա։
Ավելի վաղ Իսլամական հեղափոխության պահապանների կորպուսի ռազմածովային ուժերի հրամանատարը հայտարարել էր, որ Հորմուզի նեղուցով անցնել ցանկացող նավերը պետք է ստանան Իրանի թույլտվությունը։ Հակառակ դեպքում դրանք կարող են թիրախ դառնալ իրանական հարձակումների համար։