ԵՐԵՎԱՆ, 22 փետրվարի - Sputnik. Հայաստանի Հանրապետության առանձին շրջաններում այսօր երեկոյան, ինչպես նաև փետրվարի 23-25-ին սպասվում են տեղումներ։ Տեղեկությունը հայտնում է ՀՀ ՇՄՆ Հիդրոօդերևութաբանության և մոնիտորինգի կենտրոնը։
Հաղորդվում է, որ նախալեռնային և հովտային շրջաններում տեղումները կլինեն անձրևի, լեռնային շրջաններում՝ ձյան և ձնախառն անձրևի տեսքով։
Օդի ջերմաստիճանը այսօր ցերեկը Լոռիում, Տավուշում և Սյունիքում կնվազի 3-5 աստիճանով, իսկ փետրվարի 24-26-ի ցերեկային ժամերին ողջ հանրապետությունում կնվազի ևս 5-8 աստիճանով:
Երևան քաղաքում այսօր երեկոյան և առաջիկա գիշերը, ինչպես նաև փետրվարի 24–ին և 25–ին ժամանակ առ ժամանակ սպասվում է կարճատև անձրև։