ԵՐԵՎԱՆ, 20 փետրվարի – Sputnik․ ՀՀ փոխվարչապետ Մհեր Գրիգորյանն ընդունել է Եվրասիական տնտեսական հանձնաժողովի ինտեգրման և մակրոտնտեսության հարցերի նախարար Դանիար Իմանալիևին: Տեղեկությունը հայտնում է ՀՀ կառավարության մամուլի ծառայությունը։
«Կողմերը մտքեր են փոխանակել համաշխարհային տնտեսական զարգացումների և գլոբալ մարտահրավերների հնարավոր ազդեցությունների շուրջ՝ ընդգծելով ԵԱՏՄ շրջանակում համակարգված քաղաքականության կարևորությունը»,–նշված է հաղորդագրության մեջ։
Հանդիպման ընթացքում կողմերն անդրադարձել են 2025 թվականին ԵԱՏՄ անդամ պետությունների արձանագրած հիմնական մակրոտնտեսական ցուցանիշներին, տնտեսական աճի միտումներին, ինչպես նաև արտաքին առևտրի դինամիկային։