ԵՐԵՎԱՆ, 25 հունվարի – Sputnik. Հայաստանի Հանրապետության տարածքում այսօր և վաղը սպասվում է առանց տեղումների եղանակ, հունվարի 27-ի ցերեկն առանձին շրջաններում սպասվում է ձյուն, լեռնային շրջաններում՝ բուք, ցածր հորիզոնական տեսանելիություն։ Այս մասին հայտնում է ՀՀ ՇՄՆ Հիդրոօդերևութաբանության և մոնիտորինգի կենտրոնը։
Հաղորդագրության համաձայն` քամին կլինի հարավարևմտյան` 2-5մ/վ արագությամբ, այսօր առավոտյան ժամերին Արարատյան և Շիրակի դաշտերի ցածրադիր հատվածներում սպասվում է մառախուղ։
Օդի ջերմաստիճանը այսօր և վաղը ցերեկային ժամերին աստիճանաբար կբարձրանա 2-5 աստիճանով։
Երևան քաղաքում նույնպես այսօր և վաղը սպասվում է առանց տեղումների եղանակ: Հունվարի 27-ի երեկոյան հնարավոր է ձյուն։