Թուրք ուժայինները վերջին երկու շաբաթվա ընթացքում ձերբակալել են Ֆեթուլլահ Գյուլենի կազմակերպության (FETÖ, ճանաչվել է այդ երկրում ահաբեկչական) 160 անդամի, որից 90-ը կալանավորվել են։ Այս մասին Թուրքիայի ՆԳ նախարար Ալի Երլիքայան հայտնել է «X» սոցցանցում։
Նշվում է, որ ձերբակալությունները կատարվել են 39 նահանգներում. ձերբակալվածների թվում են անձինք, որոնք ներգրավված են ֆինանսների, կրթության և արտաքին կապերով զբաղվող կառույցներում։
Թուրքիայի իշխանությունները Գյուլենի կազմակերպությանը, որին նրանք անվանում են «FETÖ» (ֆեթուլլահիստների ահաբեկչական կազմակերպություն), մեղադրում են 9 տարի առաջ՝ 2016 թվականի հուլիսի 15-ին տեղի ունեցած պետական հեղաշրջման փորձին մասնակցության մեջ:
Զինված ապստամբությունից հետո ձերբակալվել է ավելի քան 80 հազար մարդ, աշխատանքից հեռացվել կամ ազատվել է մոտ 150 հազար պետծառայող, այդ թվում՝ զինվորականներ: Ինքը՝ Գյուլենը (այժմ հանգուցյալ), որն այդ ժամանակ գտնվում էր ԱՄՆ-ում, դատապարտել էր հեղաշրջման փորձը և չէր ընդունել իրեն առաջադրված մեղադրանքները։