ԵՐԵՎԱՆ, 15 դեկտեմբերի – Sputnik. Գեղարքունիքի մարզում ավտովթարի հետևանքով 24 տարեկան երիտասարդ է մահացել։ Տեղեկությունը հայտնում է shamshyan.com–ը։
«Ժամը 08:30-ի սահմաններում Երևանի բնակիչ 24-ամյա Գագիկ Ս.-ն իր վարած «Mazda» մակնիշի ավտոմեքենայով Երևան-Սևան-Իջևան ավտոճանապարհի 72 կմ հատվածում դուրս է եկել երթևեկելի գոտուց, բախվել մի քանի եղևնիների և հայտնվել դաշտում։ Երիտասարդի դին մեքենայից դուրս են բերել փրկարարները»,– ասված է հաղորդագրությունում։
Ըստ լրատվամիջոցի` Գագիկ Ս.-ն ՊՆ ծառայող է։