Ռուսաստանի նախագահ Վլադիմիր Պուտինը և ԿԺԴՀ նախագահ Կիմ Չեն Ինը Պեկինի «Դյաոյույթայ» նստավայրում զրուցել են մոտ 2.5 ժամ, հաղորդում է ՌԻԱ Նովոստին։
Դրան նախորդել են ՌԴ և ԿԺԴՀ առաջնորդների պատվիրակությունների մասնակցությամբ երկկողմ բանակցությունները, որոնք տևել են ավելի քան մեկուկես ժամ։ Դրանից հետո նրանք շարունակել են շփումը դեմ առ դեմ, բանակցությունները տևել են մոտ մեկ ժամ։
Պեկինում բանակցություններից հետո ՌԴ նախագահ Վլադիմիր Պուտինը ԿԺԴՀ առաջնորդ Կիմ Չեն Ինին ուղեկցել է մինչև ավտոշարասյունը։
Այսօր Պուտինը և Կիմ Չեն Ինը, այլ պետությունների ղեկավարների հետ մասնակցել են դիմադրության պատերազմում Ճապոնիայի դեմ Չինաստանի ժողովրդի և Երկրորդ համաշխարհային պատերազմում տարած հաղթանակի 80-ամյակին նվիրված հանդիսավոր միջոցառումներին։ Ռուսաստանի և ԿԺԴՀ առաջնորդները ներկա են գտնվել Թիենանմեն հրապարակում կայացած ռազմական շքերթին և Ժողովրդական ժողովների տանը կազմակերպված հանդիսավոր ընդունելությանը։