ԵՐԵՎԱՆ, 28 օգոստոսի – Sputnik. Արարատի մարզի Շահումյան գյուղի վարչական տարածքում բախվել են «Volkswagen» և «Opel» մակնիշների ավտոմեքենաները: Վթարի հետևանքով 3 մարդ է մահացել, 1-ը` վնասվածքներ ստացել։ Տեղեկությունը հայտնում է ՀՀ ՆԳՆ փրկարար ծառայությունը։
Նշվում է, որ «Opel» մակնիշի մեքենայի ուղևորը տեղում մահացել է։
«Volkswagen» մակնիշի ավտոմեքենայի ուղևորը տեղի ուժերով դուրս է բերվել ավտոմեքենայից և տեղափոխվել բժշկական կենտրոն, որտեղ արձանագրվել է վերջինիս մահը։
«Volkswagen»–ի վարորդին փրկարարները դուրս են բերել հատուկ տեխնիկայի օգնությամբ։ Նա մահացել է հիվանդանոցի ճանապարհին։
Իսկ «Opel» մակնիշի ավտոմեքենայի վարորդը տեղափոխվել է բժշկական կենտրոն։
Վթարը տեղի է ունեցել ժամը 17։20-ի սահմանում։