ԵՐԵՎԱՆ, 11 հունիսի – Sputnik. Ամենայն հայոց կաթողիկոս Գարեգին Երկրորդին «Զվարթնոց» օդանավակայանում դիմավորեցին ծափերով ու «վեհափառ» վանկարկելով։
Եկեղեցու դեմ սկսված արշավի ֆոնին հարյուրավոր մարդիկ հավաքվել են օդանավակայանում` իրենց աջակցությունը հայտնելու Ամենայն հայոց կաթողիկոսին, որը վերադարձավ Արաբական Միացյալ Էմիրություններից։
Լրագրողները հետաքրքրվեցին, թե Հայ առաքելական եկեղեցին ինչ գործողություններ կձեռնարկի ի պատասխան իշխանությունների ծավալած արշավի։
Լրագրողները հետաքրքրվեցին, թե Հայ առաքելական եկեղեցին ինչ գործողություններ կձեռնարկի ի պատասխան իշխանությունների ծավալած արշավի։
«Եթե մենք ինչ-որ գործողություններ ձեռնարկենք, անպայման կտեղեկացնենք ձեզ այդ մասին»,– պատասխանեց Ամենայն հայոց կաթողիկոսը։
Ինչ վերաբերում է ավելի վաղ եկեղեցու հասցեին հնչած հայտարարություններին, կաթողիկոսը հայտարարեց, որ Գերագույն հոգևոր խորհրդի հայտարարությամբ ամեն ինչ ասված է։
Գարեգին Երկրորդը տերունական աղոթք հնչեցրեց հենց օդանավակայանի ելքի մոտ և շնորհակալություն հայտնեց հավաքվածներին։
«Վերջին օրերին վարչապետի կողմից հնչեցված արտահայտությունները համընդհանուր վրդովմունք են առաջ բերել մեր ժողովրդի զավակների մոտ։ Հավատում ենք, որ Աստծո ողորմությամբ և օգնությամբ, ձեզ հետ միասին խոհեմորեն, առանց ավելորդ հուզականության, ընդվզումների, պիտի կարողանանք հաղթահարել այս դժվարությունը։ Հավատում ենք, որ միասնական ջանքերով, մեր կարողությունների մեկտեղումով պիտի կարողանանք հաղթահարել մեր կյանքի բոլոր դժվարությունները, կերտել մեր և մեր զավակների վաղվա պայծառ օրը»,– ասաց կաթողիկոսը։
Օդանավակայանից դուրս գալու ճանապարհին նա օրհնեց հավատացյալներին։
«Վերջին օրերին վարչապետի կողմից հնչեցված արտահայտությունները համընդհանուր վրդովմունք են առաջ բերել մեր ժողովրդի զավակների մոտ։ Հավատում ենք, որ Աստծո ողորմությամբ և օգնությամբ, ձեզ հետ միասին խոհեմորեն, առանց ավելորդ հուզականության, ընդվզումների, պիտի կարողանանք հաղթահարել այս դժվարությունը։ Հավատում ենք, որ միասնական ջանքերով, մեր կարողությունների մեկտեղումով պիտի կարողանանք հաղթահարել մեր կյանքի բոլոր դժվարությունները, կերտել մեր և մեր զավակների վաղվա պայծառ օրը»,– ասաց կաթողիկոսը։
Օդանավակայանից դուրս գալու ճանապարհին նա օրհնեց հավատացյալներին։
Հիշեցնենք` ՀՀ վարչապետ Նիկոլ Փաշինյանը մայիսի 29-ին կառավարության նիստի ժամանակ քննադատեց եկեղեցիների վիճակը՝ անվանելով դրանք «չուլանացված և աղբով լի»։ Հունիսի 2–ին նա հայտարարեց` եթե պարզվի, որ Գարեգին Բ–ն իսկապես խախտել է կուսակրոնության ուխտը և զավակ ունի, նա չի կարող լինել Ամենայն հայոց կաթողիկոս։
Հունիսի 9–ին Փաշինյանը հերթական գրառումն արեց` կրկնելով, որ Ամենայն հայոց կաթողիկոսը խախտել է կուսակրոնության ուխտը և զավակ ունի։ Նա «հավատավոր հետևորդներին» կոչ արեց համախմբվել վեհարանն ազատելու և նոր կաթողիկոս ընտրելու օրակարգի շուրջ։ Իսկ հունիսի 10-ին Փաշինյանը հայտարարեց, որ Գարեգին Բ–ին վեհարանից հեռացնելու համար համակարգող խումբ է պետք ստեղծել։