ԵՐԵՎԱՆ, 11 հունիսի – Sputnik. Անօրինական միգրացիա կազմակերպելու մեջ կասկածվող ութ անձ է ձերբակալվել Մոսկվայի մարզի Դմիտրովսկի շրջանում։ Այս մասին հայտնել է Ռուսաստանի ՆԳՆ պաշտոնական ներկայացուցիչ Իրինա Վոլկը։
Նախնական տեղեկություններով՝ չարագործները երկու տարի շարունակ գտել են Ռուսաստանում անօրինական գտնվող միգրանտների, գումարի դիմաց նրանց առաջարկել տարբեր ծառայություններ՝ կեղծ փաստաթղթեր, ժամանակավոր գրանցում և այլն։
Կասկածյալների խուզարկության ժամանակ հայտնաբերվել են անձնագրեր, դրամարկղային մեքենաներ, գումար, կնիքներ, փաստաթղթերի տարբեր դրոշմակնիքներ և այլ ապացույցներ։
Ձերբակալվել են ենթադրյալ կազմակերպիչը՝ Կենտրոնական Ասիայի երկրներից մեկում ծնված 38-ամյա տղամարդը և նրա յոթ հանցակիցները։