ԵՐԵՎԱՆ, 4 հունիսի – Sputnik. Ուժայինները Ղրիմում ձերբակալել են երկու կանանց, որոնք Ուկրաինայի հատուկ ծառայություններին տեղեկություններ են փոխանցել Սևծովյան նավատորմի ռազմական օբյեկտների և զինծառայողների մասին։ Տեղեկությունը հայտնում է ՌԴ անվտանգության դաշնային ծառայությունը։
Ըստ հաղորդագրության` Նիժնեգորսկի շրջանի բնակչուհին ուկրաինական ռազմական հետախուզությանն օգնություն է առաջարկել տվյալների հավաքագրման հարցում և նրանց է փոխանցել ռազմական օբյեկտների, այդ թվում՝ վառելիքաքսուքային նյութերի պահեստի կոորդինատները։
Այդ տվյալները նախատեսված են եղել Ուկրաինայի զինված ուժերի կողմից հետագա խոցման համար։
Սևաստոպոլի բնակչուհին Telegram-ի միջոցով համագործակցել է Ուկրաինայի անվտանգության ծառայության հետ՝ տեղեկություններ հավաքելով Սևծովյան նավատորմի զինծառայողի մասին։
Կանայք ձերբակալվել և խոստովանական ցուցմունք են տվել։ ՌԴ ԱԴԾ տարածքային վարչության քննչական բաժինը քրեական գործեր է հարուցել կասկածյալների դեմ՝ ՌԴ ՔՕ 275-րդ հոդվածով նախատեսված հանցագործության հատկանիշներով (լրտեսության տեսքով պետական դավաճանություն)։ Խափանման միջոց է ընտրվել կալանքը։