Լևոն Տեր–Պետրոսյանն իր առանձնատանը հանդիպել է Սերգեյ Կոպիրկինի հետ

Լևոն Տեր–Պետրոսյան
ՀՀ առաջին նախագահի և ՌԴ դեսպանի զրույցն ավելի քան մեկ ժամ է տևել։
Sputnik
ԵՐԵՎԱՆ, 18 փետրվարի – Sputnik. ՀՀ առաջին նախագահ Լևոն Տեր-Պետրոսյանը հանդիպել է ՀՀ–ում Ռուսաստանի Դաշնության արտակարգ և լիազոր դեսպան Սերգեյ Կոպիրկինի հետ: Տեղեկությունը հայտնում է ՀՀ առաջին նախագահի մամուլի խոսնակ Արման Մուսինյանը։
Նա նշել է, որ Տեր–Պետրոսյանն ու Կոպիրկինը հանդիպել են փետրվարի 18-ին նախագահի առանձնատանը։
«Ավելի քան մեկ ժամ տևած զրույցի ընթացքում շոշափվել են հայ-ռուսական հարաբերություններին, Հայաստանի ներքին իրավիճակին և տարածաշրջանային անվտանգությանն առնչվող հարցեր»,– գրել է Մուսինյանը։
Հիշեցնենք` Լևոն Տեր-Պետրոսյանը փետրվարի 13-ին էլ հանդիպել էր ՀՀ–ում Իրանի դեսպան Մեհդի Սոբհանիի հետ։ Զրույցը տևել էր շուրջ 1.5 ժամ։ Շոշափվել էին հայ-իրանական հարաբերությունների ներկայիս իրավիճակը և դրանց խորացման հեռանկարները։