Գերմանիայում Ամանորի գիշերը հրավառ նյութերի պայթյունների հետևանքով 5 մարդ է մահացել։ Տեղեկությունը հայտնում են գերմանական լրատվամիջոցները:
Երկու մարդ մահացել է Սաքսոնիայում, մեկական՝ Բրանդենբուրգում, Հյուսիսային Հռենոս - Վեստֆալիայում և Համբուրգում: Ըստ տեղեկությունների` նրանք մահացել են ինքնաշեն հրավառ նյութեր պայթեցնելու հետևանքով։
ԶԼՄ-ների տվյալներով՝ Ամանորի գիշերը միայն Բեռլինում ոստիկանությունը հարյուրավոր գործողություններ է իրականացրել: Ձերբակալվել է շուրջ 330 մարդ, ընդ որում՝ 13 ոստիկան վիրավորվել է, մեկը լուրջ վնասվածք է ստացել ճայթռուկի պայթյունի հետևանքով: