ԵՐԵՎԱՆ, 7 դեկտեմբերի – Sputnik. Քիչ առաջ հրդեհ է բռնկվել Երևանի Մամիկոնյանց փողոցի նորակառույց շենքերից մեկում։ Այս մասին հայտնում է shamshyan.com–ը։
Նշվում է, որ ՀՀ ՆԳՆ փրկարար ծառայության հրշեջները փորձում են մարել հրդեհը։
Հրապարակված կադրերում երևում է, որ հրդեհը շենքի երկրորդ հարկում է։ Հրշեջների հետ միասին հրդեհը մարել են փորձում նաև շինարարները։
Ըստ նախնական տեղեկությունների՝ բնակիչներից մեկն անզգույշ է վարվել 3– կիլոգրամանոց գազաբալոնի հետ։ Տուժածներ, բարեբախտաբար, չկան։