Հայաստանի ազգային հավաքականի երկրպագուները Հայաստան– Ֆարերյան կղզիներ հանդիպումից հետո դուրս են եկել փողոց ու պահանջում են ՀՖՖ նախագահ Արմեն Մելիքբեկյանի ու ՀՖՖ մյուս պաշտոնյաների հրաժարականը։
Ինչպես արդեն հայտնել ենք, Հայաստանի ազգային հավաքականը Ազգերի լիգայի խմբային փուլում սեփական հարկի տակ այսօր 0։1 հաշվով պարտվեց Ֆարերյան կղզիների հավաքականին։
Երկրպագուները կարծում են, որ իրար հաջորդող պարտությունները վատ կառավարման արդյունք են։
Հիշեցնենք` ֆուտբոլի Հայաստանի ազգային հավաքականի երկրպագուները, Red Eagles և ՖԱՖ շարուժումները հրաժարականի պահանջով միասնական երթ–ակցիա էին իրականացրել նաև այդօրվա հանդիպումից առաջ։ Նրանք կարծում են, որ Մելիքբեկյանի հրաժարականն անխուսափելի է։
Հավելենք, որ ավել վաղ նշված շարժումների ակցիաներից բացի ՀՖՖ նախագահ Արմեն Մելիքբեկյանի հրաժարականը պահանջել են նաև «Ուրարտու», «Փյունիկ» և «Շիրակ» ֆուտբոլային ակումբները։
Ֆուտբոլային 4 ակումբ էլ` «Արարատ», «Ալաշկերտ», «Սյունիք» և «Վեստ Արմենիա», իրենց լիակատար աջակցությունն են հայտնել ՀՖՖ նախագահին։ Նրանք բոլորը 2023 թվականի դեկտեմբերին կայացած ընտրություններում իրենք սատարել են ՀՖՖ գործող նախագահին և քվեարկել նրա օգտին։
«Նոա» ֆուտբոլային ակումբն իր հերթին կոչ է արել հայկական ֆուտբոլի ապագայով մտահոգված բոլոր ուժերին նստել մեկ սեղանի շուրջ և քաղաքակիրթ ձևով բանակցել ու հասնել փոխըմբռնելի լուծումների։