Մահացել է մուլտիպլիկատոր, «Բրեմենյան երաժիշտներ»-ի ստեղծող Մարինա Ոսկանյանցը

ԵՐԵՎԱՆ, 4 հոկտեմբերի – Sputnik. Մահացել է մուլտիպլիկատոր, «Բրեմենյան երաժիշտներ», «Պրոստոկվաշինո» և «Մատնաչափիկը» հայտնի մուլտֆիլմերի ստեղծող Մարինա Ոսկանյանցը: Նա 90 տարեկան էր։ Այս մասին NEWS.ru տեղեկացրել է մուլտիպլիկատոր Հարի Բարդին:

Մարինա Ոսկանյանցի անունը նշված է այնպիսի հայտնի ֆիլմերի և մուլտֆիլմերի տիտրերում, ինչպիսիք են «Մեծ անախորժություններ», «Երեք հաստլիկները», «Մատնաչափիկը», «Ոսկե աքլորի հեքիաթը», «Ֆիլմ, ֆիլմ, ֆիլմ», «Բրեմենյան երաժիշտները», «Չսովորած դասերի երկրում», «Կուզիկ-Քուռկիկ», «Երկնագույն շնիկը», «Կար, չկար, մի շուն կար» և այլն։

Ինչպես հայտնել է «Սոյուզմուլտֆիլմ» կինոստուդիայի գլխավոր խմբագիր Սերգեյ Կապկովը, Մարինա Ոսկանյանցը մասնագիտացել է առավելապես պարային բեմերում: Նրա «այցեքարտը» Բորիս Ստեպանցևի «Մարդուկ-ջարդուկ» կտավում տոնածառի շուրջ ցախավելով Մաշայի հանճարեղ պարն է։

Ոսկանյանցը ծնվելէ 1934թ. հունվարի 2-ին: 1959-1991 թվականներին եղել է «Սոյուզմուլտֆիլմ» կինոստուդիայի առաջատար նկարիչ-մուլտիպլիկատորներից մեկը։ Ստուդիայում աշխատելու ընթացքում նրան հրավիրել են իրենց ֆիլմերի վրա աշխատելու այնպիսի մուլտիպլիկատորներ, ինչպիսիք են Լև Ատամանովը, Վլադիմիր Պոլկովնիկովը, Ռոման Կաչանովը, Ֆյոդոր Խիտրուկը, Էդուարդ Նազարովը և շատ ուրիշներ։