Երևանում ավտոմեքենան կոտրել է արգելապատնեշը և ընկել կամրջից. վարորդը մահացել է

ԵՐԵՎԱՆ, 8 սեպտեմբերի – Sputnik. Երևանի Սիլիկյան խճուղում ճանապարհատրանսպորտային պատահարի հետևանքով 34–ամյա քաղաքացի է մահացել։ Տեղեկությունը հայտնում է ՆԳՆ փրկարար ծառայությունը։

Ճգնաժամային կառավարման ազգային կենտրոնը ՃՏՊ–ի մասին ահազանգը ստացել է սեպտեմբերի 8-ին` ժամը 01։15-ին։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ:

Պարզվել է, որ «Mercedes-Benz» մակնիշի ավտոմեքենան դուրս է եկել ճանապարհի երթևեկելի հատվածից և կոտրելով կամրջի արգելապատնեշը՝ հայտնվել կամրջի տակ գտնվող ավտոճանապարհին։

Մինչ փրկարարների կանչի վայր հասնելը վարորդը (Վ․ Մ․, ծնված 1990 թ․) տեղի ուժերով դուրս է բերվել ավտոմեքենայից և հոսպիտալացվել բժշկական կենտրոն, որտեղ մահացել է։