Ռուսաստանի պաշտպանության նախարարությունը հրապարակել է Կուրսկի մարզի սահմանամերձ շրջանում «Լանցետ» օդաարգելափակող զինամթերքի օգնությամբ Ուկրաինայի զինված ուժերի զրահատեխնիկայի ոչնչացման կադրերը:
Կուրսկի մարզի սահմանամերձ շրջանում հետախուզական միջոցառումների ընթացքում ՌԴ զինծառայողները Ուկրաինայի զինված ուժերի զրահատեխնիկա են հայտնաբերել: Ստացված տվյալների վերլուծությունից հետո որոշվել է հակառակորդի զրահամեքենաների ուղղությամբ կետային կրակահերթ արձակել։
«Լանցետի» հասցրած ճշգրիտ հարվածների արդյունքում ուկրաինական զինուժի 3 միավոր զրահատեխնիկա է խոցվել։
Հիշեցնենք` ՌԴ ԶՈւ գլխավոր շտաբի պետ Վալերի Գերասիմովն ավելի վաղ հայտնել էր, որ օգոստոսի 6-ին՝ առավոտյան ժամը 5: 30-ին, Ուկրաինայի զինված ուժերի շուրջ հազար հոգանոց խմբավորումն անցել է հարձակման` նպատակ ունենալով տարածքներ գրավել Կուրսկի մարզում։ Ուկրաինական զինուժի առաջխաղացումը դեպի ՌԴ տարածքի խորքը կասեցվել է։ ՌԴ ԶՈւ գլխավոր շտաբի պետը նշել էր, որ Կուրսկի մարզում գործողությունը կավարտվի, երբ հակառակորդը կկջախջախվի, իսկ ռուսական զորքը դուրս կգա ՌԴ պետական սահման։
Ռուսաստանի նախագահ Վլադիմիր Պուտինը, մեկնաբանելով Կուրսկի մարզում տիրող իրավիճակը, հայտարարել է, որ Կիևի ռեժիմը հերթական լայնածավալ սադրանքն է ձեռնարկել, անկանոն կրակոցներ է արձակում, այդ թվում՝ քաղաքացիական թիրախների ուղղությամբ: