Իսրայելական ուժերը հարված են հասցրել Լիբանանի մայրաքաղաք Բեյրութի հարավային արվարձանին։
Սոցցանցերում տեսանյութեր են հայտնվել, որոնցում երևում է, որ հարվածի հետևանքով շենքերից մեկը մասնակի փլուզվել է։
Իսրայելի պաշտպանության բանակն արդեն ստանձնել է հարվածի պատասխանատվությունը. թիրախը եղել է «Հզբոլլահի» հրամանատարներից մեկը, որը, ըստ Իսրայելի, պատասխանատու է Գոլանի բարձունքները հրթիռակոծելու համար։ Ըստ ԶԼՄ–ների` խոսքը Ֆուադ Շակուրի մասին է, որը հայտնի է նաև որպես Ալ Հաջ Մոհսեն։
Տեղեկություն կա, որ պայթյունը որոտացել է Բեյրութի օդանավակայանի մոտակայքում։
Զոհերի և տուժածների մասին տվյալներ դեռ չկան։
Իսրայելի պաշտպանության նախարար Յոավ Գալանտը X-ի իր էջում գրել է, որ «Հզբոլլահը» հատել է կարմիր գծերը։
Հիշեցնենք` հուլիսի 27-ին հայտնի դարձավ, որ Իսրայելի կողմից վերահսկվող Գոլանի բարձունքները հրթիռակոծվել են Լիբանանի կողմից։ Իսրայելական կողմը մեղադրեց լիբանանյան «Հզբոլլահ» շարժմանը: Կազմակերպությունը, սակայն, հերքեց իր մասնակցությունը։
Իսրայելի արտաքին քաղաքական գերատեսչության պաշտոնական ներկայացուցիչ Օրեն Մարմորշտեյնը հուլիսի 28-ին հայտարարեց, որ Լիբանանի հետ պատերազմը կանխելու վերջին հնարավորությունը լիբանանյան շիական «Հզբոլլահ» շարժման ուժերի դուրսբերումն է: Ավելի ուշ հայտնի դարձավ, որ Իսրայելը հարվածներ է հասցրել «Հզբոլլահի» մի շարք օբյեկտների։ «Հզբոլլահի» պատասխանը չուշացավը. շարժումը գրոհեց իսրայելական բանակի դիրքերը Մանարա և Շտուլա սահմանային բնակավայրերում: