ԵՐԵՎԱՆ, 9 հուլիսի – Sputnik. ԵԱՏՄ արդյունաբերական քաղաքականության խորհրդի 6-րդ նիստի ընթացքում քննարկվել են մինչև 2030թ․ ԵԱՏՄ շրջանակներում արդյունաբերական համագործակցության հիմնական ուղղությունները։ Տեղեկությունը հայտնում է ՀՀ էկոնոմիկայի նախարարության մամուլի ծառայությունը։
ԵԱՏՄ արդյունաբերական քաղաքականության խորհրդի 6-րդ նիստը
© Photo : press office of the Ministry of Economy of RA
Նշվում է, որ նիստը կայացել է հուլիսի 8-ին ՌԴ Եկատերինբուրգ քաղաքում, այն նախագահել է Պապոյանը։
«Կարևոր է մշակել այնպիսի ընդհանուր մեխանիզմներ, որոնք ուղղված կլինեն արդյունաբերական հատվածի աջակցմանը, նորարարության խթանմանը, տեխնոլոգիական արդիականացմանն ու ապրանքների մրցունակության բարձրացմանը»,– նշել է Գևորգ Պապոյանը։
Նիստի օրակարգային հարցերի թվում են եղել նաև ռոբոտաշինության զարգացման, արդյունաբերական ռոբոտների արտադրության և ներդրման միջպետական ծրագրի մշակման հնարավորությունը։
ԵԱՏՄ արդյունաբերական քաղաքականության խորհրդի 6-րդ նիստը
© Photo : press office of the Ministry of Economy of RA
Քննարկվող հարցերի մեջ եղել են նաև ԵԱՏՄ արդյունաբերության ճյուղերում համատեղ կոոպերացիոն նախագծերի իրականացման ընթացքում տրամադրվող ֆինանսական աջակցությանը վերաբերող հարցեր։
ԵԱՏՄ արդյունաբերական քաղաքականության խորհրդի 6-րդ նիստը
© Photo : press office of the Ministry of Economy of RA
Նիստի արդյունքներով ստորագրվել է արձանագրություն։
ԵԱՏՄ արդյունաբերական քաղաքականության խորհրդի 6-րդ նիստը
© Photo : press office of the Ministry of Economy of RA
Հիշեցնենք, որ Գևորգ Պապոյանն աշխատանքային այցով է մեկնել Եկատերինբուրգ` հուլիսի 7-9-ը մասնակցելու ԵԱՏՄ արդյունաբերական քաղաքականության խորհրդի 6-րդ նիստին, որն անցկացվում է «Իննոպրոմ» միջազգային արդյունաբերական ցուցահանդեսի շրջանակում։
Նա Եկատերինբուրգում հանդիպել է ՌԴ արդյունաբերության և առևտրի նախարար Անտոն Ալիխանովի, ինչպես նաև Արաբական Միացյալ Էմիրությունների արտաքին առևտրի պետական նախարար Թանի բին Ահմեդ Ալ Զայուդիի և Արդյունաբերության և առաջատար տեխնոլոգիաների նախարարի տեղակալ Օմար Սուվայնա Ալ Սուվայդիի հետ։