Թուրքիայում կառուցվող «Ակկույու» ատոմակայանի աշխատակիցներին տեղափոխող ավտոբուսը Մերսին նահանգում մարդատար ավտոմեքենայի և մեկ այլ ավտոբուսի է բախվել, ինչի հետևանքով 2 մարդ է մահացել: Տեղեկությունը հայտնում է NTV հեռուստաալիքը։
««Ակկույու» ԱԷԿ-ի աշխատակիցներին տեղափոխող ավտոբուսի 65-ամյա վարորդը կորցրել է կառավարումը և դուրս եկել հանդիպակաց գոտի։ Ավտոբուսը բախվել է մարդատար ավտոմեքենայի, որը վարել է ատոմակայանի աշխատակից սերժանտ Յ. Դ.–ն, և մեկ այլ ավտոբուսի, որում բանվորներ են եղել», - հայտնում է լրատվամիջոցը։
Վթարի ենթարկված ավտոբուսը
© Photo : соцсети
Հեռուստաալիքի տվյալներով՝ վթարի հետևանքով մահացել են սերժանտն ու ավտոբուսի ուղևորներից մեկը, նրա քաղաքացիությունը նշված չէ:
Վթարի ենթարկված մարդատար ավտոմեքենան
© Photo : соцсети
Միևնույն ժամանակ ԻՀԱ գործակալությունը պնդում է, որ մահացած ուղևորուհին ՌԴ քաղաքացի է: Վթարից տուժած 35 անձինք տեղափոխվել են Սիլիֆկեի հիվանդանոցներ: