Հունիսի 26-ից հուլիսի 7-ը Յակուտսկում կանցկացվեն «Ասիայի երեխաներ» VIII միջազգային մարզական խաղերը։
Սպասվում է, որ դրանց կմասնակցեն ավելի քան 3 հազար մարզիկներ Ասիայի 26 երկրներից: Մրցումների շրջանակներում խաղարկվելու է մեդալների 239 հավաքածու:
«Ասիայի երեխաներ» VIII միջազգային խաղերի մեդալների հանձնման արարողությունը տեղի կունենա Յակուտսկի Կոմսոմոլսկայա հրապարակում գտնվող խաղերի մշակութային այգում:
Այսօրվա դրությամբ «Ասիայի երեխաները» Ռուսաստանի Դաշնության տարածքում միակ սպորտային միջոցառումն է, որին մասնակցում են ազգային հավաքականները: