Կայանատեղիում նկատողության պատճառով սպանված Կիրիլ Կովալյովի վերջին հրաժեշտը տեղի է ունեցել Լյուբերցիի Նովո-Լյուբերեցկի գերեզմանատանը։ Տեղեկությունը հայտնում է ՌԻԱ Նովոստիի թղթակիցը:
Հետաքննության տվյալներով՝ ապրիլի 17-ին Ադրբեջանի 21-ամյա քաղաքացի Շահին Աբասովը մեքենան կայանել է Կրասնոդարսկայա փողոցում գտնվող տան շքամուտքի մայթին։ Դա առաջացրել է մոսկվացի 24-ամյա բայքեր Կիրիլ Կովալյովի դժգոհությունը, որը վարորդին նկատողություն է արել։ Վերջինս հարձակվել է նրա վրա, ծեծել ու դանակով հարվածել որովայնին։ Ստացած վնասվածքներից մոսկվացին մահացել է։
Իրավապահները ձերբակալել են Աբասովի հարազատներին, իսկ ավելի ուշ՝ նաև տղամարդուն, որը փորձել էր թաքնվել: Շահին Աբասովին մեղադրանք է առաջադրվել մի խումբ անձանց կողմից նախնական համաձայնությամբ խուլիգանական դրդումներով սպանություն կատարելու, մյուս ֆիգուրանտներին՝ սպանությանն օժանդակելու համար: