«Արմքոմեդի» հաղորդաշարի տասնամյա գործունեության ընթացքում դրա հեղինակներին բազմաթիվ քաղաքական ուժերի հետ են ասոցացրել։ Որոշ պաշտոնյաներ նեղացել են, ոմանք` անգամ սպառնացել։ Sputnik Արմենիայի «Առանց տաբուների» հաղորդաշարի եթերում այս մասին ասաց հաղորդավար և հումորիստ Նարեկ Մարգարյանը։
Նա նշեց, որ այդ ամենին ըմբռնումով են մոտեցել, զարմացել են միայն, երբ լրագրող գործընկերն է զանգել ու պահանջել հեռացնել հաղորդումը։ Ինչը, իհարկե, չի արվել։
«Եղել են մարդիկ, որ շատ լուրջ են ընդունել իրենց հանդեպ քննադատությունը։ Այդպիսի մարդիկ անձնական շփման մեջ էլ են դառը կորիզ, քանի որ անհումոր մարդը անհետաքրքիր է», - ասաց հաղորդավարը։
Նարեկը կարծում է, որ Հայաստանում, ինչպես և ամբողջ աշխարհում, հումորի հանդեպ վերաբերմունքը հետզհետե փոխվում է և հաճախ մարդիկ «Արմքոմեդի» են նայում լուրերի փոխարեն։ Այդ իմաստով հումորիստը կարևորում է լրատվությունը սատիրայի լեզվով ներկայացնելու կարևորությունը, քանզի շատերի համար դա ավելի հասկանալի լեզու է։
Հումորիստը նաև խոսել է Հայաստանում ստենդափի զարգացման, հայակական հումորի յուրահատկության, Վարդան Ղուկասյանի (Դոգ) հետ հարաբերությունների և մի շարք այլ թեմաների մասին։ Ավելի մանրամասն` տեսանյութում։