Բելգորոդը կրկին գնդակոծվել է, արկերից մեկը դիպել է փողոցով անցնող մեքենային. ավտոմեքենան բռնկվել է, վարորդը մահացել է, ևս երեք տուժած կա:
Ավելի վաղ` Մոսկվայի ժամանակով 6:20-ի սահմաններում, Բելգորոդի մարզպետ Վյաչեսլավ Գլադկովը տեղեկացրել էր, որ Բելգորոդը հարձակման է ենթարկվել Ուկրաինայի զինված ուժերի կողմից։
«Աշխատել է մեր ՀՕՊ համակարգը, խոցվել է 8 օդային թիրախ։ Նախնական տվյալներով՝ ուղևորատար մեքենային հասցված հարվածի հետևանքով վարորդը մահացել է: Շտապօգնությունն ահազանգ է ստացել նաև 2 տուժած կանանց և մեկ տղամարդու մասին: Դեպքի վայր են մեկնել շտապօգնության բրիգադները»,- նշված է մարզպետի Telegram-յան ալիքում հրապարակված հաղորդագրության մեջ:
Մարզի ղեկավարը նաև նշել է, որ Բելգորոդում վնասվել է 2 տուն, կոտրվել է առողջապահական հաստատություններից մեկի տանիքը, վնասվել են շենքի 5-րդ և 6-րդ հարկերը:
Տեղում աշխատում են օպերատիվ ծառայությունները։
Բացի այդ, Ուկրաինայի զինված ուժերի գնդակոծության տակ է հայտնվել Բելգորոդի մարզի Գրայվորոն քաղաքը։ Նախնական տվյալով՝ կա մեկ տուժած։