Հնդկաստանում ՌՕՈւ ինքնաթիռներ են կործանվել. տեսանյութ

Այսօր Հնդկաստանի ռազմաօդային ուժերի երկու ինքնաթիռ է կործանվել Մադհյա Պրադեշ նահանգում։ Տեղեկությունը հայտնում է NDTV հեռուստաալիքը՝ հղում անելով Հնդկաստանի պաշտպանության նախարարության իր աղբյուրներին։

Նշվում է, որ Սու-30 և Mirage 2000 կործանիչներն աղետի են ենթարկվել ուսումնավարժական թռիչքների ժամանակ։ Երկուսն էլ օդ են բարձրացել Գվալիորի ռազմաօդային ուժերի բազայից։ Զոհերի կամ վիրավորների մասին տեղեկություններ դեռ չկան։

Վթարի վայրում փրկարարական աշխատանքներ են իրականացվում։ Միջադեպի մասին պաշտոնական հաղորդագրություն դեռ չի հրապարակվել, հայտնի չեն նաև կործանման պատճառները։