Գյումրու 44-ամյա բնակիչը փորձել է տներից մեկից գողություն կատարել, սակայն գողությունն անավարտ է մնացել, նրան հայտնաբերել են տան զգեստապահարանում։ Տեղեկությունը հայտնում է ՀՀ ոստիկանությունը։
«Հունվարի 3-ին ոստիկանության Կումայրիի բաժին էր զանգել մի քաղաքացի և հայտնել, որ միացել է Մյասնիկյան փողոցի տներից մեկի ահազանգի համակարգը: Դեպքի վայր մեկնեց ոստիկանության Կումայրիի բաժնի օպերատիվ խումբը: Արագ արձագանքի շնորհիվ նրանք կարողացան կանխել գողությունը»,– ասված է հաղորդագրությունում։
Բնակարան մեկնած ոստիկանները զգեսպատահարանում հայտնաբերել են Գյումրու 44-ամյա բնակչին։ Նրան բնակարանային գողություն կատարելու կասկածանքով ձերբակալել և ոստիկանության Կումայրիի բաժին են տեղափոխել:
Բաժնում պարզվել է, որ տղամարդը նախկինում 6 անգամ դատապարտված է եղել տարբեր հանցագործություններ կատարելու համար:
Դեպքի առթիվ նախաձեռնվել է քրեական վարույթ: