Վատիկանի Սուրբ Պետրոսի տաճարում մեկնարկել է Հռոմի պապ Բենեդիկտոս XVI–ին հրաժեշտ տալու արարողությունը։ Տեղեկությունը հայտնում է ՌԻԱ Նովոստին։
Պապի մարմինն առանց դագաղի դրված է բազիլիկի կենտրոնում` բրոնզյա ամպհովանու դիմաց, որի հեղինակը Ջովանի Լորենցո Բերնինին է։
Բենեդիկտոս պապի հագին կարմիր հանդերձանք է, գլխին` սպիտակ խույր, իսկ ձեռքին` աղոթքի համար նախատեսված տերողորմյա (համրիչ)։
Բազիլիկի բացումից մեկ ժամ առաջ Սուրբ Պետրոսի հրապարակում բազմահազարանոց հերթ էր գոյացել։ Մարդիկ եկել էին հրաժեշտ տալու պատվավոր պապին։ Հրապարակը փակ է, տաճար մուտք գործելը հեշտացնելու համար հավատացյալներին երկու խմբի են բաժանել։ Բազիլիկի մուտքի մոտ մետաղորսիչ է տեղադրված, հավատացյալները ներս են մտնում տաճարի կենտրոնական մուտքից։
Դեկտեմբերի 31-ին հայտնի դարձավ, որ մահացել է հանգստի անցած Հռոմի պապ Բենեդիկտոս 16-րդը, որը կաթոլիկ եկեղեցու հովվապետի գահը զբաղեցրել էր 2005 թվականի ապրիլից մինչև2013 թվականի փետրվարը։ 2013 թվականի փետրվարի 11-ին նա անսպասելի հայտարեց, որ որոշել է հրաժարվել գահից։ Այդ ժամանակից ի վեր նա ապրում էր Վատիկանի այգիներում գտնվող Mater Ecclesiae փոքրիկ վանքում: