Ռուսաստանի պաշտպանության փոխնախարար, գեներալ–գնդապետ Ալեքսանդր Ֆոմինը մարդասիրական հարցերով ՄԱԿ–ի գլխավոր քարտուղարի տեղակալ Մարտին Գրիֆիթսի հետ Մոսկվայում կայացած բանակցությունների ժամանակ քննարկել է պարենային գործարքը։ Հանդիպման կադրերն արդեն հրապարակել է ՌԴ ՊՆ մամուլի ծառայությունը։
Նշվում է, որ կողմերը մանրամասն ուսումնասիրել են Ուկրաինայի նավահանգիստներից հացահատիկի դուրսբերման նախագծի իրականացման ընթացքը ռուսական գյուղատնտեսական արտադրանքի և պարարտանյութի արտահանման պայմանավորվածությունների իրականացման անմիջական փախկապակցվածության համատեքստում։
Հուլիսի 22-ին Ստամբուլում կայացել է ռուսական ապրանքների արտահանման սահմանափակումների չեղարկման և ուկրաինական հացահատիկի դուրսբերման հարցում ՌԴ–ի աջակցման վերաբերյալ բազմակողմանի համաձայնագրերի ստորագրում։ Գործարքը, որը ստորագրել են Ռուսաստանի, Թուրքիայի, Ուկրաինայի և ՄԱԿ–ի ներկայացուցիչները, ենթադրում է Սև ծովով ուկրաինական հացահատիկի, պարենի և պարարտանյութերի դուրսբերում երեք նավահանգիստներով, այդ թվում` Օդեսայով։