Քիշնևում սկսվել են դաժանորեն ձերբակալել Սանդուի քաղաքականության դեմ բողոքող քաղաքացիներին։ Տեսանյութում երևում է, թե ինչպես են ոստիկանները ցուցարարներին ձեռքերից ու ոտքերից բռնած հեռացնում ակցիայի վայրից։ Ցուցարարները բղավում են «Ամոթ»։
Ավելի վաղ Մոլդովայի նախագահը խնդրել էր կառավարությանը թույլ տալ ոստիկանությանը ցրել բողոքի ակցիայի մասնակիցներին ՝ առանց տեղի իշխանությունների համաձայնության։
Մոլդովայի մայրաքաղաքում բողոքի ակցիաները սկսել են սեպտեմբերի 18-ին։ Երեկ Մոլդովայի կառավարության շենքի մոտ, որտեղ վրանային ճամբար է բացվել, 80 վրան է տեղակայվել։ Քաղաքում ուժեղացված ռեժիմով է աշխատում ոստիկանությունը։
Ցուցարարները պահանջում են խորհրդարանի, կառավարության, նախագահի հրաժարականներ և արտահերթ ընտրությունների անցկացում։ Հանրահավաքի մասնակիցներն ընդգծում են բողոքի խաղաղ բնույթը և հայտարարում, որ չեն ենթարկվելու սադրանքներին։
Հիշեցնենք, որ անցած կիրակի Քիշնևում տեղի էր ունեցել ընդդիմության լայնածավալ հանրահավաք։ Ցուցարարները հավաքվել էին խորհրդարանի և նախագահական նստավայրի դիմաց։ Նրանք բողոքում էին գործող իշխանության վարած քաղաքականության դեմ։ Ակցիայի մասնակիցները խորհրդարանի շենքի դիմաց վրանային ճամբար էին բացել, որն անվանել էին «Փոփոխությունների քաղաք»։ Նրանք հայտարարել էին, որ ակցիաններն անժամկետ են։